陳主任

呢排有時會用E-MAIL同陳老師聯絡, 乜都問一餐, 唔知會唔會煩左d呢? HEHE….

陳老師曾經有提及陳主任, 我知道左有陳主任呢個人…

尋日朝早未返學, 妹妹坐响梳化突然講”陳主任”, 我聽得不太清楚, 問佢:”陳主任?”, 佢又好疑問咁望返我…

返學時, 嫲嫲話佢去到學校門口就喊, 同老師講話想要搵樣野, 但嫲嫲聽唔到係咩, 只知老師帶左佢去搵…

放學, 嫲嫲話老師同佢講妹妹扭肚痛, 於是我打電話返學校問下啦….

回電0既係陳主任, 原來陳老師放左病假,

呢個就係傳說中0既陳主任0刺, 聽把聲好後生…

佢唔講都唔知, 原來妹妹一開始見到陳主任, 就痴住左佢, 陳主任話係緣份黎…

就算陳主任要去拎點名簿, 或者有其他小朋友要去廁所, 佢都要跟住…

所以, 上外籍老師堂0既時候, 情緒就唔係咁好0刺, 試過喊到發哂癲咁, 要陳主任响佢前面同佢講:”你睇清楚D, 係我呀!!”, 妹妹先識停落黎…

原來尋日返到學校, 妹妹要搵0既就係陳主任, 老師就帶左佢去搵…

哈哈… 呢位陳主任究竟係咩樣, 我都好想見下呀…. 講比爸爸聽, 爸爸十分嫉妒… 哈哈….

陳主任話, 原本係冇所謂的, 但怕長此下去會影响佢0既學習囉…

尋日原來係妹妹突然疴左臭臭, 陳主任聞到臭臭地, 佢問妹妹”係咪你疴左臭臭?”, 妹妹竟然想掩飾:”唔係我!”, 但始終都比陳主任發現左:”好似真係你喎!!”….

陳主任覺得妹妹有少少肚瀉, 所以放學時同左嫲嫲講….

比我地發現原來妹妹响學校有個愛人- 陳主任!!!!