又發燒了....

返左學之後真係不停咁病, 感冒都冇清過....

尋晚返到屋企妹妹已經訓左, 佢不停咳, 我入房睇下佢, 拍下佢, 點知佢就開始嘔, 嘔到張床一大堆, 嘔到醒左, 我抱佢出廳, 佢又行入嫲嫲間房嘔, 跟住嫲嫲抱佢出廳, 佢又再响廳度嘔, 攪到成屋都係.....

佢嘔左好多痰出黎, 都好, 清左D痰應該舒服D....

雖然佢只係嘔左幾分鐘, 但個殘局我地三個人就收拾左兩個鐘.... 幫妹妹換衫, 抺面, 抺頭, 換床單, 洗床單, 清潔同吹乾床褥, 抺地等等, 好忙好忙....

今朝起身, 妹妹有少少發燒, 唯有請一日病假啦....

下晝, 陳主任打黎問候妹妹, 睇得出陳主任都幾緊張妹妹, 因為初初開學妹妹連續請左幾日病假, 都冇一個人打黎, 但今次只係病左一日, 陳主任就打黎0刺...

陳主任話, 今朝等到成9點, 都等唔到李梓丹撲埋黎攬住大嗌"陳主任!!", 真係有D唔慣, 又有D掛住!!!

佢話平時返到學校, 妹妹會話要搵媽媽, 搵爸爸, 搵嫲嫲, 搵爺爺, 但陳主任問佢:"咁响學校搵邊個呀?", 佢會答:"搵陳主任!!!"

陳主任仲提醒, 一定要快D好返, 星期五好重要唔可以缺席, 因為星期五係生日會, 好好玩架!!!