鑽石山靈糧堂

今日要去鑽石山靈糧堂面試, 又要特登請假, 我d假就黎冇哂0刺!! 好慘呀!!! 點解d學校編排星期五叫人去面試架??

尋晚同家姐一路傾電話, 一路諗住搵返封面試信出黎, 弊!! 點解搵唔到0既????? 好驚!! 即刻收線搵, 翻天覆地咁搵左兩個鐘都搵唔到, 死啦!! 點算????

爸爸都幫我搵左一次, 結果都係冇.... 唉~~ 點算??

最後, 我地決定去到學校話唔記得帶, 我諗ok卦...

自責左成晚, 點解咁重要0既野都可以唔見架??

今朝起身, 正在準備中, 突然個腦浮左個e-mail出黎, 咦! 呢間學校只send左個e-mail比我咋喎, 冇信架!! 車!! 點解我咁低能架??

打比爸爸講呢件事, 爸爸安慰我, 咁多野要記, 唔記得呢樣有乜出奇呢?? oh... 老公, 你真好!!

我地因為時間太趕 (都係我唔好, 掛住做D無謂野耽誤左時間), 我地搭左的士去 (SIDE錢呀!!), 去到岩岩好, 10:55, GOOD!!

等左一陣, 老師帶我地入個課室度玩玩具, 玩左幾個字, 其實都有D悶, 因為玩黎玩去都係積木....

跟住去另一個PLAYROOM, 每一個老師負責觀察一位小朋友, 家長盡量令小朋友玩多D, 講多D野, 不過李梓丹就表現一般....

再去另一個課室, 小朋友圍圈, 有位老師帶唱歌同做動作, 開正李梓丹0個瓣呀!!! 不過, 世事無絕對, 今次李梓丹又唔想做喎, 淨係想拖住我, 哈哈!!

其實呢間學校比我感覺幾好, 雖然舊, 但學校每一條走廊, 每一幅牆, 每一個角落都係比小朋友學野0既地方, 好豐富, 我覺得小朋友可以學到好多野...

不過不幸0既係李梓丹表現麻麻, 同呢間學校冇緣, 算吧, 呢D係天意!!