有一點感動, 妹妹真的適應了校園生活...

妹妹呢排返學已經冇再喊, 仲成日講住"返學!! 返學!!", 又成日唱住學校D歌...

例如有:

• (普通話版london bridge is falling down) 面包面包都好吃, 真好吃, 真好吃, 面包面包真好吃, 我最愛吃!)


• 每朝老師同大家做早操時唱0既GOOD MORNING SONG..


• 仲有今朝唱左首有大蘋果0既歌...

我問妹妹平時返到學校同老師講咩, 佢話:"打電話媽媽!! 打電話爺爺!!", 哈哈, 返到學校都掛住我, GOOD GIRL!!

今朝(妹妹6點鐘又起左身..), 我帶妹妹返學, 每次响學校門口比妹妹揹返書包時, 妹妹都會同我講BYE BYE, 今日都不例外... 妹妹行入學校之後 (而家自己行0刺, 好乖!!), 我亦不例外地望住妹妹0既背影直至佢上完樓梯消失响我眼前之後我先會離開, 今日, 妹妹入到學校, 搓完潔手液之後, 竟然向出面望(第一次!!), 佢望到我, 同我揮手同飛吻, 完全冇扭計諗住走人, 好乖, 當時真的覺得好感動, 個鼻又酸左一酸, 妹妹又大個女左0刺!