根德園

根德園算係我最想入0既幼稚園, 因為課程比較深, 聽聞德育方面都好好, 唯一不足就係英文唔夠勁....

11/7 interview我都好重視....

妹妹由星期四開始發燒, 每一晚都發燒, 第二朝就退燒, 所以我地並冇放棄去interview...

我地一家三口著到斯斯文文去赴考, 雖然爸爸係冇份入去一齊考, 但我都叫左爸爸著得企理D...

臨出門口, 妹妹企定定, 好努力同好拼命地去大.... 妹妹呢排不停食藥, 好燥, 去大都好辛苦, 見到佢喊哂咁真係淒涼.... 一輪拼博之後, 終於攪掂, 但片都未著返, 妹妹已經攰到訓著左0刺....

時間不能再擔誤, 我地繼續出發, 妹妹响車度繼續訓 (真陰公, 病都仲要周圍去), 直至落車先醒....

去到根德園門口, 嘩, 好長龍喎!!!! 今次又要排到幾時呀???

好彩, 一問之下, 4:300既女仔可以入去0刺 (男仔未入得? 咁慘?), 但係, 原來爸爸連入去學校0既機會都冇, 真係難為佢又要扮斯文, 又熱到死....

流程相當快, 唔駛15分鐘就輪到我地in....不過太快0刺, 妹妹仲未回到神喎....

老師問0既問題, 妹妹慢十拍先答到, 叫佢摸媽媽0既耳仔, 佢動作慢且細, 要媽媽哄個頭埋去佢先摸到....

問題比靈糧堂0既要深.... 妹妹有d都唔識答....

加上on居居, 我諗都一定冇行0刺...

臨離開時, 我地要再將份form交比另一位老師, 老師比糖佢食, 又再同佢講多兩句, 呢一下妹妹見到粒糖就精伶好多0刺, 呢part可以都計分嗎??

由踏入學校門口直至離開, 只用左35分鐘0既時間, 效率好高!! 呢d先叫做野ma!!

然後我地到又一城行左一陣, 响izzue買左野比妹妹, 然後就食dinner返屋企訓覺....