媽媽的生日飯 - 紅煙窗餐廳

媽咪最鍾意食buffet, 我地今年揀左佐敦恆豐酒店紅煙窗餐廳....

呢個buffet我想試好耐0刺, 因為唔明白點解恆豐酒店都咁多好評(openrice)....

可惜今次ZOE同李智恆都缺席....

正如食評所講, 都幾多野食... 咁多人但佢地都不停refill的....

我揀buffet最主要係要有生蠔, 呢度0既蠔都幾肥美, but有d腥....

燒元貝, 幾好味, 我最鍾意沙律醬, 呢個個底仲有薯蓉添.... 不過, 個殼太大0刺, 一碟只可以放兩至三隻...

三文魚剌身, 好肥美!!

呢期主題係燕窩鵝肝, 每人送一件鵝肝, 呢塊鵝肝唔好食.... 加上我已經有d飽, 我只試左個小角就放棄左...

明明去之前勁肚餓, 唔知點解食少少就已經開始飽, 頂住頂住咁, 又周身骨痛, 唯有拿拿淋開始甜品同雪糕啦...

佢地好多野都加左燕窩, 花之戀壽司啦, 生果杯啦, 同埋呢個燕窩奶凍, 好好味....

另一重點就係movenpick雪糕0刺, 不過我地9:30先去攞, 好多味道都已經冇0刺.... 幸好有細佬响度, 明明格朱古力味已經冇哂, 但佢竟然仲可以筆到幾個球出黎, 好神奇呀!!

岩岩蠶蠶0既一杯雪糕, but好好味架!!!