時間過得真係快, 唔係媽咪提我, 我都唔覺原來已經有5個星期冇同妹妹入元朗0刺 (原本我係想每兩個星期去一次架...), 所以尋日幾攰都好, 一定要同妹妹入去呀!!!
妹妹去到太婆家樓下, 買左一盒愉快動物餅, 食完飯, 妹妹即刻話要食, 仲食左好多好多添, 愉快動物餅食淨幾塊, 連婆婆D餅都唔放過, 仲食左好多....
婆婆見妹妹咁鍾意食, 叫妹妹拎返屋企食, 但妹妹居然答:"唔係!" (即係唔要!), 仲將罐餅放返响枱添... 跟住大家都冇左件事....
係時間要走0刺, 準備哂所有野, 鞋都著埋, 要同太婆講BYE BYE0刺, 妹妹突然好忽忙咁行去張枱度攞左罐餅比我, 話"帶走!!", 哈哈!! 口不對心喎!! 仲要過左咁耐都記得!!
沒有留言:
張貼留言