sick leave again

昨天星期一 (11/8), 妹妹病情反覆, 決定休假一天....

嫲嫲朝早要去醫院覆診, 我唯有請半日假湊住妹妹...

但係, 嫲嫲去到醫院先發現自己帶錯覆診紙, 後來決定唔睇, 返到屋企先發現原來根本就唔係呢日覆診, 錯中錯, 仲蝕左半日假添...

妹妹見到我換衫, 好唔開心, 可能係我放左三日假0既關係啦...

好彩, 12點幾, 妹妹訓左覺, 我先可以返到工, 不過, 醒左就喊餐懞...

下晝三點, 陳主任來電, 問我李梓丹咩事, 佢好擔心.... 跟住教左我一d病時要注意0既事, 又叫我同李梓丹講佢好掛住佢, 唔知妹妹有冇一樣掛住陳主任呢??

我知道妹妹每一朝都會點同一位老師抱佢上樓梯去搵陳主任, 原來每一次去搵陳主任0既路程中, 妹妹都會喊住猛叫陳主任, 當一見到陳主任, 妹妹就會即刻收聲... 抱佢0既老師投訴, 唔知仲以為係佢蝦妹妹添...

妹妹今日繼續sick leave, 我唔記得打返去請假添... 學校打黎, 同我講如果妹妹返學時, 會叫陳主任特別留意佢, 其實呢間學校都幾好呀, 只係行政方面爭少少啫, 我仲接受到...

今晚食食下飯, 妹妹突然好怕醜咁走埋黎同我好細聲講野, 講左幾次我先聽到原來佢想做功課, 哈哈! 做功課又駛唔駛咁怕醜呢? 真可愛啊!!