仲有兩日就返學0刺!!!!

妹妹仲有兩日就返學0刺.... 媽媽好緊張呀!!! 唔知妹妹會唔會喊呢? 又唔知媽媽會唔會喊呢 (哈哈!!!)

今朝帶妹妹返playgroup, 老師話妹妹算好懂事, 好大個女, 唔怕佢會適應唔到.... 聽到之後, 安心左少少, 希望老師唔係氹我啦....

老師今日仲同我講星期三嫲嫲帶妹妹黎返學, 見到妹妹跳舞好開心, 哈哈! 係呀, 我第一次見到都好開心架, 因為妹妹真係好得意, 跟得好足, d Miss見到佢跳都覺得好好笑!!

放學時, 妹妹响度玩車車, 我就同Ms. Susan傾偈, 佢同我講sure妹妹一定會喊, 但呢個係必經階段, 同埋學校會對佢好好, 老師就係second mother, 學校又有咁多玩具玩, 小朋友就算喊都好快會停.....

傾偈途中, 我由得妹妹越行越遠, 我只離遠留意住佢, 我覺得妹妹都可以自己唔痴住媽媽咁玩一陣, 所以其實照道理應該OK的.....

我已經PLAN好0刺, 星期一帶完妹妹返學就會响附近餐廳食早餐, 坐到夠鐘接妹妹為止, 萬一學校打黎我都可以飛奔上去湊佢走囉!!