尋晚見放工直接返屋企, 所以唔等老公, 就自己拎左個公司新出0既籃球架返去比妹妹玩, 真係多謝Agnes幫我攞….
盒野雖然唔太重, 但好大舊, 一個大膠袋都裝唔到, 我咁細粒, 拎到背脊好痛~~
返到屋企, 妹妹好興奮, 叫爸爸開黎玩… 玲契契响電話都聽到妹妹講”爸爸開!!”, 妹妹仲要UP哂頭添…
個籃球架唔算高, 妹妹好輕易就入到波…
如果入到波, 個波接觸到塊黃色膠板, 個架仲會講野添….
開頭幾球係响冇開掣0既情況下玩0既, 妹妹玩得好開心….
跟住媽媽開左個掣, 一入波, 佢就識講野架0刺!!
點知, 我地公司出品0既野實在太逼真0刺, 塊板上面有對眼, 有個口, 居然講野時識郁架!!! 妹妹即時變面!!!!
跟住...妹妹就揮手同個籃球架bye bye 0刺... 係咁同叫我收埋佢, 仲同個籃球架講:"bye bye, 下次見!!!"
我都想要一個呀...嘻嘻
回覆刪除[版主回覆10/21/2010 19:15:00]我有個同系列嘅龍門，比你！