9/26 Alvin哥哥生日會

妹妹感冒未清, 仲有傷風, 去ALVIN哥哥生日會傳染到人好似唔係幾好意思喎.... 不過, 放飛機又係唔係幾好意思呢..... 所以都係徵詢下敏姨姨0既意見啦, 敏姨姨話妹妹主要都係同大人玩, 所以唔緊要....

個PARTY有好多小朋友呀, 又有好多節目, 有印水紙, 妹妹印左HELLO KITTY, 好鍾意...(呢張係PARTY之後補影留念0既....)

有扭波波....

有吹BUBBLE(妹妹至愛呀!!)

又可以去隔離PLAYROOM玩, 妹妹玩到唔肯走添....

幾好玩, 都要返去同壽星仔ALVIN哥哥影返張相先得架.... 但張相...唉! 好似冇乜人望鏡頭咁0既.....

蛋糕响餅之神訂, 好好味呀!! 下次我地都試下訂先!!

小朋友0既禮物包..... 袋可以REUSE, GOOD!!

雖然呢日唔係妹妹生日, 但妹妹都收到好多禮物喎!!!

有思契契0既POOH POOH朱古力!! 好味道!!

有綺玲契契好趣緻0既雞雞....

仲有思契契帶妹妹去買0既生日禮物, 妹妹揀左煮飯仔, 切切切, 返到屋企切到涼都唔肯沖呀!!!