10.1樂富遊

聽聞Frog同Buster0既黑皮鞋好著, 但周圍搵都買唔到, 連Frog0既代理都話冇哂妹妹0既size, 要10/20之後先返到貨, 唉.....

下星期一就要返學, 唯有買對Dr. Kong頂住先啦.....

我地下晝三點幾就出發去樂富, 先食個UNY FOOD COURT(十級難食...), 跟住就去Dr. Kong買鞋....

返學鞋冇乜太多款, 好快就買到0刺....

跟住行下UNY買祙仔, 妹妹戴左個頭cool, 好女仔....

玩具部, 有部wii比人試玩, 圍住好多哥哥响度玩, 妹妹都好想玩埋一份, 成日行行下就行返入呢個人堆中企响度觀戰, 爸爸叫佢走都唔想走, 妹妹, 你要明白d哥哥都响度爭緊, 你又點會有份玩呢??

行完UNY, 我地經過ITALIAN TOMATO, 原來佢地都出左GELATO呀, 妹妹又想食, 媽媽又想食, HEHE.... 一睇個朱古力味好深色, 一定好好好朱古力呀!!! 比妹妹試過, 佢都話好味呀! 咁就食呢個啦! $20一個單球, 扺!!!!!

都未預備好, 妹妹又已經OWN個頭落去食左先0刺..... 嘩!! 烏咀狗呀!!!

BB不宜食咁多, 妹妹越筆越大羮, 唔得, 媽媽要同佢鬥快先得!!!

食完, 過隔離"夢幻世界"度玩......
 

行多一陣 (今日買左好多野呀!!!!), 差唔多時候要食晚飯0刺, 因為大家都唔多餓, 所以求其响樓下一粥面度食少少野....
妹妹因為唔肚餓, 成日都要出去, 佢好努力咁行樓梯....
行上.....

又行落....

然後回程返屋企.....