重新適應校園生活(三)

今日比前兩日更加多人搭的士, 媽媽又遲左5 mins, 死啦, 點等?? 唯有响另一個估計更容易0既地方截車, 媽媽好似c9咁同人爭的士, 唉, 破壞哂媽媽溫文爾雅0既形象....

去到學校門口, 又咁岩喎, 黎副校又行出黎0刺.... 黎副校話:"梓丹, 早晨!!", 妹妹0既回應係:"玩玩具喎!!", 哈哈, 又會咁0既???

妹妹好快就比黎副校捉左去排隊, 但佢似乎冇乜野喎, 亦冇回頭搵媽媽, good!!!!

放學前, 爸爸媽媽不停打比嫲嫲, 但一直都冇人聽, 好緊張啊!! 後來先知嫲嫲冇帶電話出去....

嫲嫲話, 妹妹今日原本冇喊, 但一見到嫲嫲就喊0刺!! 哈哈!! 又進步左d喎!!!

希望放完兩日假期之後妹妹都ok啦!! 妹妹, 錫哂你!!!

今日返黎, 書包好重, 學校派左好多書!!! 但點解...好似普通話書多過英文書0既??

呢本係手冊, 逢星期五派, 星期一就收返.... 因為上星期五我地冇返, 我而家都係第一次見到本手冊咋...

入面紀錄低每個星期妹妹學過d咩, 好得意!!!

仲有每個星期妹妹响校內0既表現.... 上星期三日, 全部都係學習中, 哈哈!!!

呢個星期, 居然有d表現優良同表現良好喎! 係咪架??

但似乎在家表現, 多數都係學習中喎....