妹妹終於叫做好返哂, 媽媽決定今日開始返學....
停左一個星期冇返, 而家開始要返三個半鐘, 媽媽好緊張妹妹唔知適唔適應到....
媽媽決定每日送妹妹返學, 計過, 媽媽要7點鐘起身, 不準賴床, 又不能化粧....
始終媽媽都係一隻懶訓豬, 好怕會唔知醒起身, 所以不停咁醒(都唔知醒左幾多次lu), 不停懷疑點解仲咁黑, 點解咁耐仲未天光.....
終於鬧鐘响0刺, 嘩!!! 好攰呀!!!!
攪掂哂自己就輪到妹妹0刺, 7:40, 幸好妹妹都算精神.... 
我地8:05出門口, 死0刺!!! 呢個時候原來咁多人等的士架???!!!
等左5分鐘, 終於到我地!! 菁泉雅居英藝呀唔該!!!
去到學校已經過左8:20, 好多小朋友排隊返學, 而d老師就排成一行扶d小朋友上樓梯, 唔.... 都幾好招呼, good!!!
有個老師叫我放妹妹落地, 然後就幫佢排隊同其他小朋友輪住上樓梯, 妹妺on居居, 都唔知發唔發現媽媽走左....
好緊張呀!! 唔知妹妹返學返成點呢??? 幾個鐘都心掛掛, 做野超級唔專心.....
11:40, 嫲嫲已經到左學校門口0刺, 一夠鐘佢就會衝上去!!!
12:00, 學校開門, 可惜, 嫲嫲唔熟學校0既運作, 去到課室門口已經有一大堆人圍住左0刺....
當嫲嫲見到妹妹時, 嫲嫲差d認唔到妹妹, 因為妹妹訓左响地下張膠墊度, 一路喊一路嗌, 塊面紅哂, d頭髮濕哂, 好陰公, 連嫲嫲都忍唔住喊左, 老師攞左張紙巾比佢....
嫲嫲抱起左妹妹之後就冇野0刺, 而我同爸爸都好緊張, 打左幾個電話比嫲嫲, 知道之後心都痛埋, 不過, 呢個係必經階級, 我地唔可以放棄架!!!!
我打電話比學校了解情況, 學校話會叫老師打比我... 但等左兩個鐘, 仲未打黎0既?? 於是我再打比學校...
今次係黎副校聽, 佢同我解釋妹妹全日都喊下停下咁, 但去到放學時因為見到其他小朋友有得走而自己屋企人未黎, 所以失左控, 建議我地跟住呢幾日縮短時間, 11:15放學, 比妹妹適應下先....
到左放工時間, 突然普通話陳老師打黎喎, 原來佢放左學返到屋企先打黎....
佢講0既野令我好欣慰, 亦放心左好多....
佢話妹妹好乖, 一開始返學已經同小朋友打招呼同埋玩, 又獨立, 普通話課做動作同唱歌佢都好投入, 只係放學時失控啫... 佢唔建議早放學, 因為最後0既30分鐘係最多互動0既, 亦係妹妹最喜歡0既, 所以應該比佢試多兩日, 觀察下先, 不過聽日放學就要早d黎, 要排最先接佢.....
爸爸聽日放假, 呢個重任就交比佢啦!!!
沒有留言:
張貼留言