妹妹返學第三天

日係第三日返學, 朝早起身, 妹妹個頭癲到冇人有, 點算呢? 個個同學都咁整齊, 不如試下幫妹妹紮辮啦!!!

媽媽唔識紮, 求其將兩邊0既頭髮紮起, 妹妹一陣又pa响地下度, 一陣又周圍行, 好不容易先紮到呢兩條辮....

眼腫腫, 再加埋呢兩把掃把, 妹妹你今日好醜樣呀!!

扮可愛都冇用, 依然好醜樣呀!!!

見到同學仔子晴, 打個招呼先, 兩位媽媽撮合佢地影張相.... 但妹妹過去拖子晴, 子晴居然縮呀!! 子晴, 你係怕醜定係嫌我地梓丹醜樣呀??

夠鐘上去0刺, 上到去, 妹妹又要媽媽抱, 唔通又會好似尋日咁???? 媽媽抱住妹妹交到主任手上, 主任同妹妹講"不如我地去放低書包先啦!!", 然後放妹妹落地, 拖住妹妹行, 神奇地, 妹妹又好順攤咁比主任拖住入課室喎, 仲頭也不回咁, 好叻女呀!! 除左妹妹之外, 冇一個小朋友係唔喊0既, 媽媽比10個叻你!!!!
媽媽如常立即打電話比爸爸報告, 然後去食早餐, 今日我揀左mcdonald, 今日係第三日食大早餐, 就黎肥死0刺!!
尋日放工經過零食物語已經買定左禮物(咪又係零食!!)比妹妹, 不過見佢返學冇喊, 我決定如果放工妹妹冇咩事就唔拎出黎0刺, 食咁多零食始於唔係幾好0既!!
放學0刺!! 今日媽媽特登行後d, 排第四至五個, 睇下妹妹有咩反應....

差唔多到我時, 就可以望到入去, 見到妹妹係咁莊出面, 個樣好似好期待咁, 但又冇喊, 好乖呀!!!

妹妹一見到媽媽, 即刻行出黎, 主任話妹妹今日好叻, 又一齊唱歌, 好勁呀!! 媽媽好感動呀!!!

妹妹仲一路唱歌一路離開學校, 心情好似好愉快添!!! 似乎妹妹開始適應0刺!!
一眼望到妹妹, 媽媽發現條辮唔同左喎! 一定係d嬸嬸覺得太肉酸, 幫妹妹紮過!! 又分左界, 係靚左好多喎!! 媽媽真係要學下點紮辮先得....

响的士, 媽媽又問一個好煩0既問題: "聽日又返學咯?", 妹妹今次居然答:"好呀!!", 好開心, 媽媽又試好感動!!!
返到屋企, 妹妹食食下粥, 扭計要食欣欣杯, 醜怪豬對住鏡頭都照喊, 好肉酸呀!!