重新適應校園生活(二)

今朝, 我地早左5分鐘, 學校仲未開門.... 我地趁機影張相先...

當學校準備開門時, d老師開始响校門內聚集, 嫲嫲話mr. david係個中年男人(唔係靚仔.. ), 咁岩我又見到兩個中年男人, 於是乎我問妹妹邊個係mr. david, 佢指左比我睇....

開門0刺, 同時黎副校又咁岩行出黎, 佢認得李梓丹, 同我傾左幾句, 可能比左時間李梓丹意識到要同媽媽分開, 佢要離開時突然好想拖住我, 但我要走0刺, 對唔住, 唯有同佢講bye bye啦...

黎副校抱起佢入學校, 而佢就望住我狂喊嗌媽媽, 呢個感覺真係好難受....

爸爸買定零食同貼紙去接妹妹放學, 由學校門口冇人等到聚集三十幾人, 聽佢講d氣氛會變得好緊張, d家長好想快d去接小朋友, 可能大家都係一樣啦....

 

今次媽媽教定爸爸點行, 不過當中都遇到阻撓呀, 最終爸爸都係頭一兩個到課室門口, 爸爸見到妹妹時, 妹妹已經企响度喊, 一見到爸爸就係咁嗌"爸爸!!", 爸爸接左佢之後即刻拎d禮物出黎, 妹妹即刻冇哂事啦!!!

 

媽媽lunch時, 陳老師再打黎 (嘩! 真好人!!), 佢話妹妹今日有進步, 普通話時間冇喊過(佢好強調妹妹好有興趣上普通話堂囉...哈哈!!) 其他時間有時喊下, 嗌下媽媽.... 不過基本上都比尋日好左好多....

 

原來尋日妹妹見到有小朋友放學, 好想衝出去, 但老師捉住佢, 所以佢就失控0刺... 老師再次提醒, 聽日要更加早黎接呀!!!