10/3 返學前的一天

返學前0既一日, 原本諗住响大埔度過, 不過爸爸最後都係提議去一去街....

我地唔知點解咁好訓, 差唔多12點先起身, 大家响屋企食少少野就出發0刺....

 

首先, 去左紅磡食個lunch....

 

時新快餐....好耐冇食0刺, 佢地d漢堡飽真係好好味架....

 

因為就妹妹, 我地今次叫左沙律汁, 其實都係黑椒汁惹味d.... 我地叫左兩個雙層芝士漢堡...

 

上星期食左日月星0既熱狗, 我覺得超好食 (雖然係好普通0個d茶餐廳熱狗, 但佢地真係整得好好味架!!), 今次忍唔住又叫左一個, 不過質素好一般....

 

叫左好多野, 都係$60咋!!! 好扺呀!!!

妹妹好鍾意食個漢堡飽!!

雖然已經好飽 (個漢堡飽都食唔哂, 老公幫我執手尾), 但一場黎到, 又點可以唔試下隔離個媽咪雞蛋仔呢?

佢地個朱古力雞蛋仔, 入面真係有好多朱古力架!!!!

為食貓妹妹梗係唔執輸啦....

入面真係有好多朱古力架, 都未影好, 妹妹又伸左隻手過黎拎0刺.... 不過因為太飽, 我地只係完成左半扺, 好side....

之後, 我地去左探公公, 公公見到妹妹好開心呀!!!

同公公影張合照先....

之後, 我地就過TST H&M SHOPPING, 收穫豐富....

好靚呀!!!

再到九龍公園玩一轉, 太多哥哥走黎走去0刺, 好危險, 以後都唔想去....

過經泳池, 妹妹好想游水, 不停話要除衫游水, 好可憐, 可能要出年先有得游0刺....