返左學後的妹妹

由開學到而家已經過左三個星期, 但妹妹每個星期只係返三日學, 即係total返左9日咁大把...

雖然只係返左9日學, 但見到妹妹有頗大0既分別...

1. 返左學3日之後, 妹妹就識得响屋企痰罐vv, 係一個大躍進!!

2. 多左自動自覺執玩具, 玩完一個膠箱0既玩具, 佢而家好多時都肯執好先開始玩另一個膠箱... 不過佢會特登將個空膠箱放到好遠, 然後來來回回將d玩具執去個膠箱度, 响學校可能係咁....

3. 不停咀講野, 呢排响屋企勁多野講, 講野都叻左好多0刺!! 不過成日都將句說話重覆10次....

4. 尋晚臨開飯, 佢突然用普通話講"好好吃!! 好好吃!!"(定係"很好吃"呢? 唔肯定..), 好得意!! 估唔到佢返左幾日學就學到返黎... 陳老師每次同我傾偈都好強調妹妹好鍾意普通話堂, 似乎都幾真喎!! 哈哈!! 妹妹仲識講"爸爸, 媽媽, 老師""!!

5. 尋晚開始食飯時, 大家圍住坐, 妹妹突然講:"阿嫲食飯, 阿爺食飯, 媽媽食飯, 爸爸食飯", 好乖呀你, 究竟邊個教你架???

雖然妹妹最近返學日日都喊, 但老師話我知佢已經進步左好多, 見到佢好似大個女左好多咁, 又識左好多野, 個心都好欣慰呀!!