9/28老公工作忙碌, 再postpone.....
9/29呢一晚, 我決定先同老公去買週年紀念禮物, 因為佢真係好想要呢份禮物.....
响旺角買完, 用盡左我地兩個銀包0既所有cash, 要食飯就要先禁錢啦, 行下行下, 就行到油蔴地0既hsbc.....
既然黎到油蔴地, 老公就提議不如去食我地之前想去0既pink salmon, 呢間野响openrice都算好多好評.....
我地8點幾去到, 冇人等位.....
入到去, 環境係黑黑的, 懶有情調咁, 都算爆....
我地點左兩個晚餐share食, 原本想加呢間餐廳0既招牌菜三文魚醬xx法包 (個個都話好味架!!), 好彩個waitress話個餐已經有(menu冇講0既??), 只係少D醬啫.....
黎到, 個醬又真係細左d喎, 佢頂左你一塊搽呢個醬, 一塊要搽牛油 (比定兩個牛油你呀!!), 孤寒!!! 不過, 個醬又真係幾好味喎!!!
突然覺得傻瓜機好難用, 環境黑, 唔用閃光燈又影得唔清楚, 用左閃光燈又太光, 突然覺得大機好用好多呀!!!!
我地每人加$20轉飲好味d0既湯....
我揀左佢地另一招牌菜 - 泡沬三文魚忌廉湯.... 賣相好特別, 仲越飲味道越濃, 越好味....
老公揀左酥皮龍蝦湯, 味道都夠, 但唔夠我0個個特別同好味....
德國咸豬手 (又係影到好核突....), 老公都係鍾意脆皮0個種, 但我就覺得好好味, 缺點係有d豬皮0既毛清理得唔夠乾淨啫..... 碟野比我地清哂, 已經飽左大大半....
鍚紙包三文魚海鮮天使面 - 其實味道ok的, 但我地真係太飽, 每人只食到少少, 好side呀!!!
甜品 - strawberry mousse, 其實大家都已經好飽, 但因為女人係有多一個胃, 所以我不單只食到, 仲可以食埋老公0個杯添!! 不過.... 個mousse唔夠滑....
冇諗過, 週年紀念飯可以二百幾蚊埋單, 哈哈!! 真係超平呀!!!
返到屋企, 突然成為攝影發燒友0既老公急不及待要試份禮物 - canon EFS 55-250mm F/4-5.6 IS同 EF 50mm F1.8 LENS, 窮人三寶我地已經全部擁有0刺.....
沒有留言:
張貼留言