搬屋前一天

7/30

約左樂活一站0既阿姐上黎清潔, 10:00我地就到新屋0刺, 阿姐做左8個鐘都未清潔哂, 佢好落力, 但唔夠專業, 地下唔乾淨, 又用左好多時間响抺窗度....

後來先知道原來魚旦仔係可以搵d專業0既人做清潔, 錯左添...

阿鋒上黎整埋d野, 我就負責幫d燈掛水晶, 我鍾意做呢d野呀, 冇難度啦...

原來LED燈唔可以徒手掂, 好奇怪啊...

阿鋒裝哂D燈0刺...



今日電視送黎, 我電話冇電, 好彩安裝0既師傳識自己上黎啫...

其實間屋都冇裝修, 非常簡單, 好彩有d水晶燈襯托下先冇咁悶咋...

原本諗住下晝3點可以返到屋企, 點知最後係夜晚9點囉, 我諗今晚唔駛訓都得0刺...


首先我係選擇執妹妹D玩具0既, 妹妹一路在旁監督, 涼都唔肯沖, 每一件玩具都講得出响邊度買, 邊個買, 讀書有咁叻就好0刺...

執到6:00, 好攰, 真係頂唔順, 沖個涼訓到9:00又要起身0刺...