整損了...

8/17

尋晚咁夜訓，今朝梗係唔願起身啦，對腳好似遞唔起咁，行唔到呀！

妹妹都係一訓醒就喊，直至出門口，佢見到好大雨所以好興奮，到上車都冇喊喎，司機又比左個公仔佢，應該好開心先岩啦！HEHE... 校車服務而家真係好...

芯芯話比佢媽咪知李梓丹响學校冇喊, HEHE, 真係好, 識D同學仔0既媽咪係有好處的!

今日去左探婆婆, 面色依然麻麻, 應該係D肺癆藥0既關係啦, 唔知佢幾時先可以出院呢?

今晚繼續執野, 太忙了, 我地都冇為意妹妹做咩, 妹妹坐左响地下玩, 爸爸見到佢隻手有血, 開頭以為佢又攪個鼻所以流鼻血啦, 點知原來佢玩開左0既箱入面0既野, 比個扣針整損住, 個傷口都幾深, 流好多血, 但佢竟然坐响度繼續玩軟尺, 冇出聲, 真係服左佢… 佢一定係知道自己唔岩所以唔出聲, 問佢其實佢都覺得痛架, 小朋友真係得意...