三歲生日會

9/11

 

話咁快就到妹妹生日派對當日0刺....

 

因為實在太冇隆重其事, 完全冇為今次生日派對花過一分錢置裝, 妹妹只係著一條未著過0既裙, 鞋都冇襯過, 攪到要著平時返學對波鞋, 仲要係殘到不堪0既...

 

我地大約1:45到達, 好快敏姨姨同珊姨姨佢地就到左0刺...

 

然後, 竟然黎左D冇覆過我話黎0既同學仔, 好担心, 如果冇人放飛機實唔夠坐, 原本人數都己經失預算架啦...

 

嘉賓陸續到達, 好熱鬧呀...

 

妹妹好掛住0既嵐嵐同陳主任都有黎...

好多人, 妹妹不停要招待客人, 好忙呀!!

 

因為太多人, MCDONALD唔夠時間上餐, 到3:00我催佢地先開始玩遊戲, 仲有半個鐘, 邊夠時間切埋旦糕呀???

遊戲開始, 好彩D小朋友都算玩得幾開心...

 

然後切旦糕, 我地個BARBIE旦糕, 係妹妹自己揀架... 不過旦糕一出場, 發現原來係好細個, 好彩大家食完野, 都唔係有太多人食, 最終仲剩返1/3個拎返屋企添...

仲有契契同契爺...

 

好錫妹妹0既姨婆…

妹妹的至愛 - 細古古同小穎姐姐...

嘉賓陸續走0刺, 陳主任同嵐嵐走時, 妹妹做唔到反應, 個樣冇哂表情, 其實佢好唔捨得...

 

呢個係THOMAS, 上堂同校車都係隔離位, 好熟架0刺...

冇時間食野, 妹妹好肚餓呀, 狂吞麥樂雞...

 

原本大約3:45要離開, 我地最後都攪到4點幾, 下一場D人己經到左0刺...

 

好多禮物, 好彩魚旦舅父有渣車黎咋, HEHE!!!

 

返到樓下, 一袋一袋搬落車, 搬哂之後妹妹發現仲有一袋, 魚旦舅父話係佢0既, 妹妹唔信喎, 堅持話仲有一袋, 直至魚旦舅父拎比佢睇左先算, 哈哈, 想搵佢笨都幾難呀...

 

婆婆, 大古古細古古都黎哂, 一齊同妹妹拆禮物, 嘩! 真係好多呀!!!