可以出院了!

8/19

睇完醫生, 見時間尚早, 响佐敦搭西鐵去探婆婆先, 好開心, 一去到婆婆就話比我知醫生話可以出院, 應該會係星期六或星期一, YEAH! 好開心呀!!!

但因為肺癆0既藥係一定唔可以漏食, 如果唔係就成個療程再開始過, 所以醫院一般都會要病人每日返醫院食藥, 但婆婆身體唔許可每日都咁頻撲喎!! 姑娘話會安排社區護士每日去婆婆家協助食藥, 政府呢D服務真好!!!

婆婆出院後, 妹妹就可以去探佢0刺... YEAH! 太婆真係好掛住妹妹架!!!