魚旦仔生日

8/21

尋晚同魚旦仔慶祝生日, 11點先開始, 妹妹仲未訓, 我地走佢好唔開心呀!!

今年送左個BLUETOOTH, 鬚刨同帝苑旦糕比佢, 但酒吧竟然只將個蛋糕放响雪柜上面, 唉, 攪到溶溶地, SIDE哂...

玩玩下幾時暈左都唔知, 三年黎第一次飲醉, 我下次一定唔可以再係咁!!

朝早起身已經响張梳化度, 拿拿林沖個涼, 仲不停嘔黃胆水出黎, 好辛苦呀!!!

然後睇錯左鐘, 以為差唔多11點, 要開始準備同妹妹去游水, 點知原來已經差唔多12點, 咁唔駛去啦...

妹妹想搭船船, 又想返大埔買美味棒同彈波波, 我應承左佢只可以揀一樣, 點知嫲嫲突然就話同妹妹去買美味棒, 咁好啦, 我地又可以訓多一陣...

原來妹妹買完美味棒就即刻要返屋企, 佢話要比爸爸媽媽食, 真乖女!! 返到黎係咁叫我食, 我渣住個美味棒食左成半個鐘都食唔哂, 真的冇胃口...

大家叫下午茶食, 飲左D可樂之後個人即刻舒服左好多, 胃口都返哂黎, 可樂幾時都係我0既解酒良方!

對腳瘀左成十幾撻, 咩事???? 打比魚旦仔, 佢話佢都暈左, 醒返時我已經訓左响度, 佢, PHOEBE, 青頭同肥仔枱我地兩個返黎, 好彩我地而家咁近, 如果响大埔肯定冇人理我地啦!!

而我對腳0既瘀傷, 應該係抬我時抬到瘀左...

原來我行行下唔肯行, 要訓响地下度, 就係咁我响屋企樓下個地下訓左一陣, 佢地個個都冇力, 魚旦仔都仲嘔緊, 仲要枱我地返黎, 真係唔話得呀!

魚旦仔好鍾意個BLUETOOTH呀, 好靚架, 白色, 真係冇買錯!!