比返姚主任

8／6

今日要返學校攞書, 好趕, 因為阿鋒要黎整廚房電掣，煤氣煮食壚都裝埋, 好野, 終於可以煮野食0刺!!

妹妹話想返廣福村, 我同佢講廣福村還返比人架0刺, 佢問係咪還返比姚主任？嘩, 妹妺點解你會咁叻0既, 姚主任就係屋村辦事處個主任...

搬左之後, 家務好似永遠都做唔完咁，爸爸返黎負責抺廚房，阿佳夜晚探完婆婆過黎搵我地, 佢買左紅磡三寶上黎, 就係聯記，時新同埋上海飽餃店，哈哈!!

好彩有佢睇住妹妹，我地先可以執埋個廚房, 又掉左兩箱野0刺...