搬家了

7/31

9點就起身, 最後衝刺, 狂執, 狂執…

10:30姑姨婆過黎幫手, 同奶奶, 妹妹先去紅磡, 魚旦仔都响0個邊整緊野...

EASY搬屋公司差唔多11:00到, 佢地好準時, 又搬得快, 態度又好...
我地D野比預期多左好多, 原本預40箱, 最後我地係48箱+10個紅白藍+勁多散野...

走0刺!! 你地兩個响度幫手睇住間屋0刺!!

好趕住走, 都冇乜時間比我地唔捨得...

老公負責跟車, 我+鋒+老豆搭的士攞埋部冷氣同電視去阿鋒度...

最後加$16一件, TOTAL收1450, 價錢OK, 好合理呀!! 因為佢地服務好好, 我地比左$1800佢地...

嘩, D野上哂黎, 完全冇位行, 好恐佈呀~~

唔理咁多0刺, 我地去飲個茶先啦...

之後去旺角買水龍頭, 事關响深圳買0既都唔啱用...

去左帝朗, 廚房加廁所龍頭$1150...

再响附近買埋廁所掛架同廁板...

返屋企開始執野, 其實好多柜都未攪掂, 廚房枱面未黎又擺唔到野入去, 主要都係執下廁所同將某D野放入床下底, 嘩,  咁都要執到3點喎...

清左好多0刺, 叫做有條路仔0既...

我地今晚試左煤氣乾衣機, 真係好好用, D衫好軟熟啊!!

妹妹都同我地一齊3點幾先訓, 第一晚佢當然未慣啦, 話想返屋企, 大家一齊返....