STAFFORD的第二天

8/8
返學前應妹妹要求食mcdonald...

接放學時, 咁岩又見到尋日一齊行0既芯芯喎, 佢地一齊响PLAYGROUND度玩左一陣, 我地兩個媽媽就傾偈同交換FB, TEL...

搭緊的士返屋企時, 妹妹用手指篤一篤我塊面:"我等左你好耐呀!!", 好SWEET呀...

去圖書館借亮亮書比妹妹睇, 紅磡市政大廈好近我地屋企, 真係好!!!
不過個圖書館同大埔相比就差得遠了, 放小朋友書0既書架都得好少...

我好努力地搵亮亮書, 妹妹唔耐煩:"不如問姐姐啦..", 好彩最後比我搵到幾本, 叻返次!!
再到7-11買香蕉雪條, 節目真豐富!!!

我教妹妹食塊香蕉皮, 妹妹話:"嫲嫲話唔食得架!!"

校車公司打黎, 話呢幾日都會坐住第二架車先, 等埋星期五YORK0既小朋友返黎學就會再改, 嘩, 呢幾日會1:00就返到學校, 我地1:45先上堂喎, 咁早, 會唔會悶左D呀...
為左令妹妹快D適應新屋企0既生活, 我企圖引導佢話紅磡村好D, 但佢即刻更正我, "其實呢度都唔OK架, 廣福村OK D..." 好媽媽的口吻...
妹妹好掛住舊同學嵐嵐呀, 之前未開學成日問我STAFFORD有冇嵐嵐, 我唔想打沉佢, 唯有同佢講我唔知嵐嵐會唔會去STAFFORD, 佢返學時睇下有冇嵐嵐啦, 佢返黎同我講, STAFFORD冇嵐嵐...

佢問我嵐嵐去左邊, 於是我WHATSAPP陳主任, 佢真好人, 話幫手約嵐嵐出黎喎, 我提議先要FACEBOOK...
今晚婆婆突然來訪, 好得意, 住得近真好, 我最鍾意咁熱鬧!!!