緣來素食

8/23

今日放工趕住走, 好忙呀!!!

先去山林道MCDONALD落訂, 攞左50張邀請咭!

然後再撲入去博愛醫院探婆婆, 婆婆原本今日可以出院, 但突然隻腳又紅又腫, 醫生見佢又喘, 對眼又濛, 腳又行唔到, 都係唔比佢出院, 我地明白佢當然好想出院, 因為二姨黎左咁耐, 都冇一齊住過, 四舅父星期五又到香港, 我都知佢好心急...

今日大舅母到香港, 佢都係素食0既, 我地去左元朗緣來素食DINNER,嘩, 原來D野好好味架!

餐前小食- 車厘茄比層糖包住, 好好味, 不過細佬話上次食D糖係脆架...



原隻南瓜黑松露菌芝士焗飯 - 唔錯啊!


失憶症, 我竟然唔記得呢味餸係咩黎... 好似係炒什菇卦...

鮮什果咕嚕肉 - 呢個係我全晚最鍾意食0既, YUMMY!


冬蔭功湯 - 因為冇真正0既海鮮, 所以唔夠鮮味, 不過素食黎講算好OK囉...

片皮鴨 - 我的至愛食品之一, 變左齋都一樣咁好味喎!

串燒羊肉 - 呢個就一般, 不過不失啦...

呢餐齋我好鍾意, 不過細佬話油麻地0既佛音更好味, 我得閒一定要去試下呀!!