麻煩

8/22

尋晚妹妹好煩, 訓訓下要搵嫲嫲, 就慣左佢幾時想同邊個訓就同邊個訓, 錯哂...

半夜一喊, 嫲嫲就出現响妹妹面前安撫佢, 一走開就嘈, 又扮撞親個頭好痛, 想嫲嫲過黎睇佢, 好古惑呀!!

然後嫲嫲話要去廁所, 我一路呃妹妹嫲嫲仲未出黎, 叫妹妹等等, 博佢會訓著啦, 點知, 佢仲高招過我, 突然話想疴屎, 我當然唔敢怠慢, 即刻帶佢去廁所, 一開門, 佢就問"嫲嫲呢?", 哈! 比佢識穿左添!!!

攪左好耐, 最終妹妹過左去嫲嫲度, 我唔理咁多0刺, 訓左先算啦!!

要諗諗辦法點先可以令妹妹願意同返我地訓... 奬勵方法唔知WORK唔WORK呢??