1/15
今日天公不造美, 全日都落雨…
但我地今日好忙碌喎…
因為我同妹妹懶訓, 行程被延誤, SO SORRY….
爸爸仲比妹妹鬧添….
爸爸叫我地起身….
我同妹妹講: “不如起身食早餐啦”
妹妹: ”咩事呀?”
爸爸搭咀…
結果比妹妹話:”你唔好講我D野啦!!!”
過左一陣, 我地兩個又訓著左…
爸爸又叫我起身..
我扮妹妹:”你唔好講我D野啦!!!”
點知妹妹好大反應, 合埋眼大嗌:”你唔好講人地D野啦!!!!”
真係好好笑, 但其實又好似唔應該笑囉…
爸爸好慘啊!
响樓下好快地食完野, 我地就去聚寶坊剪頭髮…
之前响PRIVATE I剪開, 但實在太貴了, 好彩聚寶坊KIDZ ZONE度開左間AVEDA, 小朋友剪都係161蚊, 抵好多!
適逢今日商場做PROMOTE, 只收$115, 好開心呀!
原本好想買支PRODUCT比妹妹GEL頭, 點知太貴, $290我真係唔捨得…
返到屋企, 我同爸爸去土瓜灣睇圓櫈, 過年用黎招呼親戚用…
再去何文田價真棧, 超平金莎己經賣哂, 我地買左開心果同朱古力FOR全盒用…
兩個為食貓, 經過德國熱狗, 又入去食一食…
想試好耐, 但每次經過佢地都己經CLOSE左…
岩岩先食完飯, 哈哈… 究竟食唔食得落架???
間舖好細, 但好多人幫襯….
我地每人叫左一個熱狗…
老公的家鄉白腸+車打芝士
我的細脆皮腸+車打芝士
不過因為有芝士, 真係好漏, 我食左一半就食唔落, 老公幫我食埋…
返到屋企, 接埋阿女 (唉, 99原本話去睇戲的.. 但原來最後唔去…), 我地出發去旺角睇廚房廁所物品…
落雨帶阿女出去真係好辛苦, 最後都買到兩個廁所用0既架...
妹妺好肚餓, 我地去左民華餐廳食晚餐, 有我最喜愛的蒸飯同鮮油多!!!
沒有留言:
張貼留言