細古古慶生-海洋公園遊

今日係細古古生日, 壽星仔去海洋公園可以免費入場, 所以今日我地相約一齊去..

我地今朝都仲要學小提琴, 學完返屋企換衫就出發0刺..

海洋館對小朋友黎講, 次次都新鮮..

呢張相影得妹妹好瘦喎! GOOD!

妹妹第一次玩熱帶激流, 成身濕哂, 但佢好開心, 仲好想再玩多次, 哈哈...

又黎到我最鍾0既企鵝館0刺, 好多企鵝疑似孵蛋中, 另一半就响門口等, 好得意喎...

玩左唔係好多野, 不過今日都好開心呀!

FROZEN 3D魔幻館

多謝同事送的一張兒童票, 今日我只買一張成人票就可以入去MEGA BOX0既FROZEN 3D魔幻館影相0刺...

呢個3D館由暑假做到9月尾, 而家已經係尾聲喇...

30個佈景, 唔駛一個鐘就影哂...

有啲都幾靚架!

我幾鍾意呢張, 所以自己都影返張... HEHE...

今日發生左件小插曲, 原本我地約左表弟仔同婆婆响MEGA BOX LUNCH, 點知表弟臨出門口訓左, 而婆婆出門口之後就一直音訉全無, 電話又打唔通, 好担心呀.. 我地响MEGA BOX搵唔到佢, 原來佢電話壞左, 佢响MEGA BOX周圍行都搵唔到我地... 最終佢自己返左屋企, 我地最後要响屋企附近再約...

為了ELSA去DISNEYLAND

其實我真係唔鍾意去迪士尼...

但妹妹為左ELSA, 而我又為左妹妹開心...

今日35度大熱天時都舉家去左迪士尼...

連岩岩做完手術0既嫲嫲, 行唔到都黎....

都未入到門口, 已經全身濕透0刺...

入到門口行左兩度, 噴水風扇買一送一, 198蚊, 好貴呀! 但妹妹堅持買, 嫲嫲又買, 唉... 比我係唔會買架....

GOOD, 有我喜0既INSIDE OUT...

妹妺喜歡剌激, 完左5次灰熊山谷, 仲要坐第一...

好熱, 真係好熱....

職員話我地知排FROZEN要三個幾鐘, 一場黎到, 點都要排啦...

但惹來兩位老人家你一句我一句, 老實講, 真的好煩... 我唯有提議佢地唔鍾意排就自己去第二度玩先啦... 終於先停到D聲音...

好彩堅持, 我地排左個半鐘就入到0刺....

當然, 因為今日冇乜香港人, 周圍就成日聽到D鬧人打尖0既聲音...

有冷氣, 好舒服!

首先睇場表演先...

呢個係ANNA...

CHRISTOPHE幾靚仔喎!

ELSA都出埋黎... 

出到黎, 排隊玩雪撬, 妹妹好幸運地玩左兩次...

同馴鹿影張相...

仲有雪玩...

攰了... 食野先....

睇埋PARADE同煙花 (又買左嗰支唔好玩0既筆同手套, 屋企又多兩件野0刺), 好攰好攰.. 終於都可以返屋企0刺...

以信生日派對

2014年9月20日

 

話咁快以信今日就一歲生日0刺, 小穎舅母安排左船P幫以信慶祝, 喜愛水上活動0既妹妹當然唔會錯過啦...

 

兩表姐弟逼埋响個車車水泡入面...

 

 

妹妹好鍾意釣魚, 好開心!



 

參予呢個船P最高0既難度就係要準備食物, 今朝晨早6點幾我就起身煮瑞士雞亦, 仲要一次過整40隻, 未試過呀, 好彩都清哂, 証明味道還可接受啦!



 

食完野, 妹妹落水游左一陣, 跟住就跟左佢地上快艇, 去睇佢地玩香蕉船....

 

去左好耐都未返, 其實我都有D擔心呀.... 終於都等到... 妹妹竟然有一齊落水玩香蕉船!!! 仲唔肯上返大船, 係要搵人同佢再去玩多轉.. 真係比佢嚇親呀!

 

妹妹生日慶祝 - 塘廈三正半山酒店兩日一夜之旅

2014年9月6日至7日

 

今年考慮左好耐, 唔知點同妹妹慶祝生日...

 

原本諗住咩都唔攪, HEA過便算, 點知妹妹上個月就開始問, 我會點樣同佢慶祝生日...

 

一直都冇正面回覆佢, 點知過左冇幾耐, 爸爸都開聲, 問我諗住去邊度玩... 似乎今次走唔甩0刺...

 

我竟然安排响開左學先去玩!  哈哈, 因為都仲未返全日, 玩完返黎返多半日又放中秋節假, 我先咁大胆架咋, 哈哈...

 

今次有兩個地點考慮, 1. 新開的珠海長隆  2. 塘廈三正

 

珠海長隆價錢都幾貴, 其實都幾唔化算, 今次仲諗住叫埋老爺奶奶去, 就更加唔化算喎...

 

基本上, 用珠海長隆一家三口0既價錢, 加少少就可以足夠我地一家五口去三正, 橫掂同老人家都係HEA玩, 三正似乎都足夠了, 仲岩哂最喜歡游水0既妹妹...

 

又因為想妹妹再開心D, 老爺奶奶又開心D, 我就叫埋姑仔一PAIR同姑姨婆一齊, 嘩, 好熱鬧呀!

 

原來塘廈三正都好熱門, 出左價錢兩日後我想揀0既親水池溿房已經爆滿, 好誇張, 唯有BOOK半山嗰邊0既親水池溿房, 希望唔會太唔方便啦...

 

妹妹等到頸都長, 終於都出發0刺...

 

去塘廈三正好方便, 我地搭火車去落馬州, 再坐大約45分鐘車就會到達架0刺...

 

 

BOOK車時, 好猶豫究竟BOOK酒店聯繫司機好定BOOK其他旅遊網0既車, 經聯繫司機陳生解釋後, 雖然貴RMB100..我地都決定搵佢地, 安全確係最重要..

 

但係, 最後派黎接我地0既車並唔係佢地所謂安全舒適0既10人車, 原來司機將我地"賣"左比其他街車, 哼! 呢架係7人車, 溶溶爛爛咁, 冷氣又弱, 好嬲呀!

 

車箱內籠好殘好爛....

 

因為唔夠坐, 阿女被迫要坐大脾, 好危險囉...

 



 

旅程開始就不順利, 希望之後冇其他不愉快事發生吧...

 

先去攞房, 聽聞假日三正攞房要排好耐架喎, 點知我地12點去到即刻有房, 真好運!

 

我要求三連房, 但最後酒店只安排兩間連房, 另一間比大套房隔左, 不過都可以接受0既...

 

房間都算幾乾淨, 但我竟然唔記得影相, 哈哈...

 

要去飲茶, 要搭GOLF車落返主樓, 好彩都好容易搭到車, 車程大約兩分鐘吧...

 

 

酒樓食物好一般, 價錢同香港差不多, 7大1細唔係好飽食左四百幾蚊, 不過算啦, 目的只係醫下肚啫...

 

 

 

池溿親水房有個小露台, 打開露台0既門就可以跳落水0刺, 好開心!

 



 

BOOK房時, 我叫酒店安排方便去大池0既房我, 佢地回覆係全個酒店都可以通去大池, 似乎唔會幫我安排囉... 好彩最後佢地有做野, 我地間房好近落山嗰條長滑梯...

 

因為有老有嫩, 可以玩0既野唔太多, 我地主要都係游下水就算0刺...

 

玩左三個鐘頭, 梳洗準備去食BUFFET, 當中發生左件小插曲, 話說我地一家三口先行去攞枱, 一路行我就一路搣啲BUFFET COUPON出黎, 叫妹妹幫我拎住先, 到搣哂D COUPON, 正好就收到阿MAP電話問我地行到邊, 呢個時候我就已經唔記得左D COUPON0刺...

 

 直至响餐廳坐低, 有WAITRESS黎收COUPON, 先發現有兩張唔見左! MY GOD!

 

酒店都好好人, 佢地確定COUPON冇人用左, 都補返比我地, 不過連搵連去主樓攪, 都用左好多時間呀...

 

BUFFET唔錯, 好多野食, 海鮮又新鮮...仲有香檳, 紅酒, 白酒, 啤酒任飲... 可惜冇我至愛0既生蠔...

 

 

 BOOK左房食BUFFET後去打乒乓波同篤波, 妹妹好開心...

 

我就兩樣都唔識, 唯有做下攝影師啦...

哈哈, 唔識都扮下野影張相啦...

 

 

姑姐教妹妹玩...

 

 

打完波返酒店房, 大家梳洗後响房打左一陣遊戲機就訓覺0刺...

 

第二朝一早起身去食早餐, 都尋晚一樣去左池溿西餐廳, 都係好多野食, 唔錯!



 

然後再玩一陣水, 就要準備CHECK OUT0刺...

 

 回程我地唔再用酒店司機0既車0刺, 臨時臨急搵517FREE, 好彩可以安排到...

 

車未到時, 我地打下波, 換下酒店送0既朱古力, 估唔到D朱古力又整得幾靚喎..

 

臨走前門口合照一張...

 

 

517FREE 0既車舒服好多, 司機又準時, 又好人, 價錢又平, 下次我都會再搵佢地...

 

BOOK左大漁鐵板燒, 質素麻麻, 冇下次....

兩日一夜0既活動就結束了, 妹妹應該覺得好開心吧!