尋找快樂: 小公主的成長

顯示具有 小公主的成長 標籤的文章。顯示所有文章

2015年11月21日星期六

好開心，終於擁有了！

自從有星光樂園之後, PRISM STONE已經有一段時間冇出新款0刺....

妹妹恨左好耐0既寶石盒亦都清貨後斷哂貨...

雖然妹妹恨左好耐, 但我一直都唔鼓勵用二百幾蚊去買個吉盒, 寧願用二百蚊去買石好過啦...

點知.... 今日竟然比妹妹响奇趣見到喎!

仲要係...... 98蚊ONLY!!!

於是乎, 妹妹又有禮物0刺!

2015年11月15日星期日

做做運動

趁天氣唔錯, 傍晚黎海旁做做運動...

有人黎釣魚... 又可以散步..

夜景好靚呀!

得閒要多D黎先得...

2015年11月14日星期六

黃埔的小花海

好想去東大門睇嗰個LED花海呀..

雖然未去到韓國, 但發現黃埔船嗰度都有個小花海喎!

今次唔駛去韓國都見到啦!!!

2015年11月7日星期六

考試成績達標!

二年班第一次考試終於完成0刺, 學校都派返哂D試卷返黎...

雖然我要求妹妹平均分90分或以上, 但對剛剛好得90分呢個成績都有少少失望, 做人真係矛盾呀! 哈哈!

不過聽妹妹講, 中文試卷佢係全班第二高分, 都有少少欣慰...

既然達標, 禮物當然唔少得, 今日就响奇趣買左妹妹近排至愛0既星光樂園咭簿比佢...

2015年9月22日星期二

愛上shopkins

妹妹周不時都會响youtube睇人拆蛋, 自己買左出奇蛋都會學人拍片架...

不過我就冇放上youtube, 因為拍得太屎0刺... 哈哈...

睇拆蛋時, 妹妹鍾意左shopkins...

响toys 'r us買過d細細粒公仔, 妹妹好鍾意...

今日同事仲送左一盒大shopkins比妹妹添, 真係超開心呀!

2015年9月18日星期五

今日攞左半日假去養和覆診，不經不覺已經做完Lasik三個月喇，醫生話我傷口復完得好好，驗出黎度數同上次一樣，左眼0度，右眼25近視+50度散光，都同預計想要的差不多，暫時都好滿意呀!

再趕返去同妹妹去九龍灣健康中心覆診，上次學童保健嘅聽力檢查唔pass，攪到大家都好擔心... 不過妹妹就好肯定咁話自己耳仔冇事，佢聲稱有一下聽到嘅聲音比較細，所以佢冇㩒掣! 其實我都對妹妹有信心呀！因為平時我並唔覺得妹妹有任何聽唔到野嘅徵狀，所以醫生比0既OLIVE OIL我地都唔係成日有滴... 果然，今次好成功，全部pass!

成5點幾先有時間食lunch，個人感覺已經暈暈地, 真係好後悔早餐唔食飽啲呀！食左個mcdonald餐，估唔到，妹妹嘅自制能力又好左，佢只係食左6條薯條咋，贊!

返到屋企，6299突然換衫出去自己撐枱腳，好啦… 咁我都可以同妹妹二人世界! 煮左世界上最簡單而又係妹妹最鍾意嘅飯 - 紫菜蒸蛋飯，妹妹又成大碗飯食哂喇!

2015年9月14日星期一

小公主七歲生日

眨下眼，我嘅小公主已經七歲喇! 好感恩呢七年黎都無風無浪，小公主可以快樂健康成長!

升左一年級後，少左好多私人時間，所以甚少update blog.. 呢一刻我又黎雄心壯志喇! 希望可以多啲update返同小公主嘅開心時刻，得閒可以睇返回味下，等佢大個啲亦可以睇返!

生日當天，學校會派一張小食卷比壽星仔/女，可以响小息去小食部免費換領燒賣/蘿蔔糕/魚旦一份，仲唔駛排隊添! 舊年學校張小食卷嘅日子印錯左星期六，妹妹唔敢同老師争取返，今年終於可以攞到喇! 恭喜恭喜!

答應左今日正日生日接放學，仲會去反斗城買份shopkin小禮物比佢！爸爸亦交帶我買份小禮物！話到明小禮物，我諗價錢係大約50蚊吧，可惜，原來要响反斗城買50蚊嘅野並唔多選擇，行下行下，竟然比佢見到想要好耐嘅Elsa噴雪器同光之美少女嘅粉盒喎，呢位小公主即刻將50蚊嘅事拋諸腦後，哈哈！不過當二選一嘅時候，佢會睇下邊樣平啲就買邊樣，都有進步呀！

返到屋企做埋啲功課，就準備去食晚餐慶祝，妹妹著左舊年嘅飲衫Elsa公主裙，加埋我襯嘅頭cool, 幾靚呀！

點知落到樓下，妹妹突然諗起之前明明plan左今晚會戴皇冠，oh no! 貪靚鬼一定要上去換返，仲攪到差啲喊左出黎!

去左妹妹嘅飛佛Kitchen J, 其實我就已經食到厭，但妹妹仍然好鍾情佢地嘅蜜糖芝士pizza!

最後仲有姑姨婆嘅蛋糕，清清地好好味呀！

2015年2月4日星期三

終於望到你甩喇!

上個月頭發現妹妹下面一隻少少鬆左0既門牙後面生左隻牙出黎, 好驚好驚, 即刻打電話去牙醫度諗住剝左前面嗰隻, 點知姑娘話唔駛剝, 前面嗰隻甩左後面嗰隻就自然會移向前, 建議妹妹食多d蘋果...

雖然仍然好驚, 但姑娘0既專業意見都要聽, 唯有經常問妹妹鬆0既進度, 妹妹都好叻, 佢開頭見我咁担心, 提議不如問多一個醫生0既意見, 跟住又經常用條脷頂鬆隻牙, 等佢快d甩....

今晚, 妹妹原本用緊爸爸新買0既咪練緊歌, 突然大叫: "哎呀! 我隻牙鬆到唱唔到歌呀!", 哈哈, 天大既喜事! 隻牙終於要甩0刺!!

尋晚我地臨訓前仲玩用拳打甩隻牙, 妹妹認為今次只有爸爸可以幫到佢, 於是叫爸爸幫佢手, 但呢個唔係好方法啦, 哈哈!

如圖所見, 隻牙已經甩左大部份, 連牙腳都見到, 我都好緊張, 又腳軟(唔知點解最近咁冇用呢, 見到鬆0既牙都會腳軟..:P), 最後隻牙打橫左, 我唯有用手幫佢抆起隻牙啦, 成功0刺...

希望快D向前生啦!!!

2015年1月19日星期一

考試期間的節目

話咁快又到左期考嘅時間，上星期已考英文同中文，都叫做鬆左一半...

因為第一次考試成績不錯，比我預期中好，令今次考試更大壓力... 點知呢排又撞岩聖誕，新年，我生日，節目多多，令溫書進度緩慢...

尋晚(考試期間)，仲要出去食生日飯同聽演唱會，好過份啊，星期六日主力溫好常識，常識科有好多詞語要溫，要溫到好熟先可以去架!

晚飯係同我屋企人食，因為細佬時間比較難就，所以我冇反對考試期間呢個飯局呀！😝

選址UCC, 原因係有好多野岩以信食，妹妹都揀左個兒童餐!

切旦糕時間，好開心呀，因為呢個蛋糕好好味! Le Salon De The de joel Robuchon 嘅chocolate truffle, 入面有原粒榛子，好好味!!!!

餐飯只食左個半鐘，我同妹妹趕住去睇G.E.M. XXX Live 香港站 Part 2, 其實呢兩張飛係B仔送比我地兩公婆去睇，不過比妹妹霸左😝

阿GEM演唱會票價好貴，睇黎係諗住比強國人睇多啲喎，我地身邊全部都係強國人，感覺好似去左強國咁呀！

898蚊或以上觀眾都有太空手帶，但大會完場後會收返條手帶，只有vip觀眾先可以拎走。

開場喇，阿GEM唱歌真係勁，好好聽，不過多數都係普通話歌，妹妹聽到十點幾開始覺得悶。好彩後尾嗰part坐下面嘅觀眾企哂起身，妹妹都變得high左，un得好勁呀，haha....

今朝特登早啲起身考下妹妹，好彩佢仲記得哂常識科嘅野，真係鬆一口氣呀！

2015年1月4日星期日

撞傷了

尋日妹妹响playroom度玩撞親隻腳，佢有話比我地知痛，但尋晚見到冇乜大礙，我地不以為意，點知今朝起身，妹妹嗌痛，一望之下，哎呀，腫左加瘀左!

但妹妹堅持去Miss Jenny度上堂，再去淘大換星光寶石....

我地用左50個印花換左一粒pop七色禮服，响黃埔一間精品店見到賣180蚊架!

今日我地冇打機，因為有十幾人排緊隊，其實妹妹似乎鍾意擁有啲寶石多過鍾意打機喎！

2014年12月28日星期日

2014 x'mas party

今次party地點係深灣遊艇俱樂部，對我地黎講交通算幾方便，又多野玩，good!

我地大約6點到達，妹妹先打一陣保齡，始終都係未夠力，好彩可以升起兩邊嘅欄，咁就一定唔會落坑喇!

呢度有個好好玩嘅兒童樂園，小朋友們玩到唔捨得走...

我地book左個房食飯，夾埋小朋友我地有三十幾人，不過大家掛住飲酒多，食左好少野咋...

小朋友們追追逐逐，大人就傾偈飲酒，大約10點就有人醉左，例牌第一位都係我老公啦，haha....

跟住再唱k, 岩哂妹妹，佢可以唱相逢何必曾相識，hahaha...

老公繼續訓，而我呢，基本上多數情節已經唔記得，全靠妹妹今朝話返比我地知... 原來妹妹見我有少少醉，仲幫我飲左兩啖白酒呀，OMG! 返到屋企妹妹仲識照顧我地，佢真係好叻女呀！