唔飲奶奶??

5/28

今朝妹妹話今晚唔飲奶奶訓覺, 只飲水水, 仲話要打電話話比爸爸知...

大家都以為佢講笑啦...

點知, 今晚爸爸臨訓前整左奶奶比妹妹, 妹妹記得喎:"我話左我唔飲奶奶架!"

冇飲奶奶就訓覺, 一個大進步! 但妹妹話今晚唔飲, 聽晚飲, 再聽晚唔飲.... 隔晚飲奶, 係咩規則黎架???

交換角色遊戲

5/28

臨訓前, 同妹妹玩SALON遊戲, 我扮幫佢洗頭剪髮, 佢又幫我, 玩得好開心, 然後又玩做FACIAL…

玩完, 妹妺扮媽媽, 我扮妹妹…

妹妺玩玩下攬住我錫左一啖, 真係跟足我平時做0既野喎…

我又將妹妹平時0既要求逐樣講出黎, 妹妺做做下, 訓左响度, 佢話:”媽媽好攰呀, 暈左0刺…”

放假湊女

5/28

今日放假一天, 因為嫲嫲去左澳門, 妹妹就開心啦, 又有媽媽湊放學…

記得星期六嗰日0既LUNCH, 我懶得落街買餸, 亦唔想叫外賣, 於是就地取材, 有咩煮咩, 煮左個我開頭以為係薯粉0既韓國粉絲...

用雞湯黎煮, 再加旦同餐肉, wakakakakaka...我真係覺得好騎呢, 只有妹妹識欣賞, 覺得好好食, 爸爸聽到又覺得係正常不過0既面食... 唔係喎, 我真係接受唔到韓國粉絲加旦同餐肉喎, 不過再接受唔到, 我都係食左...

妹妹一路用較剪剪斷D粉絲放入口, 又好玩又好食...

夜晚又同爸爸講我煮左粉絲比佢食....

今日朝早冇食水, 下晝冇咸水(MY GOD, 真係此地不宜久留囉..) 唯有叫外賣啦...

問妹妹想食咩, 佢話想食C粉, C粉????????? 妹妹解釋係我星期六煮比佢食0既野, ICIC!!! 係粉絲呀妹妹!!

放學時, 妹妹同我講, KARIS送左圖畫比佢, 哈哈, 原來所謂0既圖畫係摺0既雀仔呀…

我冇食LUNCH, 諗住同妹妹去食D野, 但妹妺竟然話唔食, 要返屋企…

差唔多到小巴站, 思契契打黎, 大家傾左大約半程車0既時間, 妹妺話我傾咁耐, 連思契契同佢講野都唔應…

收左線, 妹妹唔出應, 哎呀, 黑左面添喎…

哈哈… 人仔細細竟然會黑面… 我問佢咩事, 佢話我講電話講咁耐, 哈哈…

我講左對唔住啦, 隔一陣, 又再話我, 似乎真係好唔滿意喎…

面面圓

5/27

呢間上海野响黃埔吉之島超市隔離, 原來係翡翠拉面小籠包0既分店, 可能地點問題, 星期日晚都唔FULL 喎…

上次因為應承左妹妹食吉野家, 爸爸冇得試, 唔開心…

今次我提議去食, 妹妺都冇反抗…

妹妹仲帶埋D小寶貝一齊去... 

三個人叫左4樣野…

酸辣湯拉面, 爸爸飛佛, 佢話同翡翠好接近, 好好食…

鎮江排骨, 又係爸爸飛佛, 佢又覺得好好食… 

呢兩樣妹妺都唔岩食, 我特登叫左上海炒年糕, 上次妹妹响詠藜園食左好多…

但今次食左兩塊就唔食, 佢話:”呢間D野唔好食, 以後都係食返牛肉飯啦!”, wakakakaka... 知道你今次就左我地0刺, 多謝哂囉…

最後黎0既小籠包, 算係最岩妹妹食, 妹妹一個人食左三個…

三心兩意

5/26

妹妹今日同我講好想去葵涌廣場, 於是決定等爸爸放工一齊去, 然後聽日就留响屋企溫書準備考試啦…

爸爸3:00打黎叫我地準備, 妹妺突然反口, 話唔去葵涌廣場, 要劃廣告彩喎…

下??? 乜你咁三心兩意架? 真係有D嬲呀…

雖然我都唔係好想出街, 但對於妹妹0既善變, 真的有少少反感囉…

嚇佢:”咁呢兩日都唔會去葵涌廣場架0刺, 你唔好一陣又話要去呀!”, 妹妹:”OK!”

再嚇佢: “咁以後都唔去架0刺, 以後冇得撈金魚, 冇得彈波波, 冇得食手卷!”, 妹妹:”好呀!”

激死我0刺:”你唔食手卷MA? 咁以後都唔去板長0刺..”, 今次被嚇到了, 一路喊, 一路叫:”唔好呀! 唔好唔去板長食手卷呀!!!!”

哈哈, 原來食都係最緊要…

我攞左張白紙, 寫低:”妹妹說以後都不去葵涌廣場, 不去撈金魚, 不彈波波, 這兩天都不會出街, 留在家!!”, 妹妺好緊張:”唔好寫手卷呀!!”, 我真係比佢笑呀! 但仲要忍住笑!!

寫完正想貼出黎, 妹妺就攞左張紙去垃圾筒, 話要掉左佢… 但佢又唔敢掉, 要睇我反應… 最後我比佢掉, 不過呢兩日都唔會去葵涌廣場0刺…

RICHEESE ROLLS

5/26

呢盒芝士條, 上網見到D人話好食, 所以响零食舖見到就買左返黎…

我覺得… 妹妹一定鍾意食囉…
 

但係, 每次推介佢, 佢都唔肯試…

今日, 我自己攞黎食時, 妹妹又話要食喎…

一食之下, 笑死我…. 佢豎起手指公, 好興奮地講:”好好食呀! 真係岩哂我食呀!!!”

我真係要推薦下你去拍呢個芝士條廣告囉…

一連食左兩支, 以後每日都嘈住要食….

小小CUPCAKE

5/23

今晚整埋個CUPCAKE....

繼續唔知點校個微波爐, 佢冇顯示幾多W, 只得LEVEL咋喎...

最後個CAKE都係硬硬地咁, 但可以自己加TOPPINGS, 妹妹又好開心喎...

最後, 我食左一個, 妹妹全部食哂....

小小漢堡飽

5/21

前幾日响零食舖買左呢兩盒野... 自製BURGER & CUPCAKE, 好似幾好玩咁喎...

今晚都成十點0刺, 妹妹話要整, 廿四孝媽咪以為好簡單, 於是應承左...

入面有D唔同0既一包包化學粉...

整左成個鐘, 結果個飽因為我唔識控制個微波爐, 所以個型唔多似....

激死病

5/21

今晚妹妹同我講, 爺爺就黎好返, 於是我問佢乜爺爺病咩?

妹妹答:” 我鬧爺爺, 爺爺激死病呀, 不過佢就黎好返架0刺…”

大發現

5/19

行街買野我都有預埋妹妹架...

尋晚太夜我就咁張袋戰利品放响廳, 妹妹今朝一起身就發現到, 即刻摷左黎睇...

大飛行棋, 好開心喎! 即刻玩返舖先...

仲有MARIE貼紙

聾左

5/17

妹妹個人好long禮, 少少野就嘈一餐...

平時我同佢沖涼, 有時眼入左水, 佢都嘈一餐...

今日嫲嫲同佢沖涼, 水入左耳仔, 我地响出面聽到佢大叫:"哎呀! 我以後都唱唔到歌0刺, 我隻耳仔聾左0刺!"

勁好笑, long禮到暈....

大門橫丁

5/16

Shopping後, 原本諗住食唯一 (駛左咁多錢, 都係食返平D啦啦啦啦啦), 點知full哂, 所以去左對面0既大門橫丁...

每人一個烏冬, 我叫左極上牛肉地獄烏冬, 再加一串雞皮蝦仔...

烏冬份量勁少, 我懷疑只有半個, 食完都唔飽...

李智恆0既蕃茄牛肉烏冬, 佢原來唔知自己叫左蕃茄, 哈哈...

+8蚊有兩隻餃子同一隻糖心旦, 正呀!!

RED WINE

5/16

上星期同SHIRLEY夾份訂0既紅酒送到0刺, $999有15支紅酒, 真係好抵呀! 聽聞味道都唔錯喎...

遲來的母親節禮物

5/14

好開心呀! 妹妺今日終於攞返份母親節禮物比我0刺!!!

係一條頸鍊同埋紮染絲巾, 全部都係佢親手做... 我覺得好有意思呀!!

即刻戴住先...

開心..

5/14

今日心血來潮, 打比MISS FUNG問下KAYLIE呢排0既表現, MISS FUNG話呢排OK, KAYLIE好似變左另一個人咁, 積極左好多, 功課又自己做, 又快又靚, 嘩, 我聽到都好開心...

咁有冇答問題? 有! 除非一D佢真係冇把握0既問題, 佢就真係會唔答... 我明的, 呢個這係我個女0既性格...

所以... 佢都冇同MR. JAMES講野, 因為佢覺得佢講左MR. JAMES都唔會明, 有D小朋友英文好叻,佢自己會同人比較... MISS FUNG話不過唔緊要, 佢考ORAL應該OK的...

MISS FUNG講左好多次考ORAL, 我問: 上學期? MISS FUNG話係呢個學期呀! 今日考呀!  下??????????? 今日考ORAL???? 點解我唔知0既??? 一定係我睇漏左通告....

唉, 我一D都冇同妹妹溫過, 唔知妹妹考成點呢? 不過MISS FUNG話應該OK, 因為唔見MR. JAMES有講邊個好唔掂...

要快D同妹妹溫下PAPER先得0刺.... 人仔細細, 就要考PAPER, 真係嚇親...