母親節慶祝

5/12

今朝妹妹一醒就話不如今日唔好出去, 留响屋企玩... 但偏偏我地今日有好重要0既節目喎, 我只能做到晏d先出去...
先一個妹妹呢排0既至愛早餐 - 美祿可可球...

都玩左幾個鐘, 然後同妹妹換衫準備出去...

輪到我準備, 妹妹就成日問:"點解你咁耐架? 你唔好做咁多野啦! 我等左你好耐架0刺...", 哈, 頭先明明話唔去街架喎, 做乜而家咁心急??

聽日係母親節, 循例今日都會同埋婆婆慶祝, 今年我地黎左歌連臣角慶祝, 媽咪買左婆婆最鍾意食0既生果...

之後我地响筲箕灣買左雞旦仔食, 嘩, 呢間雞旦仔真係好好味, 最衰唔記得舖頭名, 又脆又有旦味, 真係好好味喎...

未到時間食飯, 我地上阿佳屋企hea, 妹妹知道有得玩遙控車, 即刻全程痴住大古古...

仲玩左呢個自製漢堡, 不過好搵笨, 只係幾塊糖分開比你自己夾埋, $25整三個漢堡, 好貴啊….不過妹妹又食得好滋味喎…

 

妹妹玩左半個鐘遙控車, 好攰好攰, 去尖沙咀全程都係大古古抱住瞓, 去到金田先起身…

金田, 己經食左N咁多次, 但冇辦法, 除左碗屋就只有呢度有媽咪指定要食0既赤貝刺身…

我地己經冇乜意慾去叫野食, 其實我諗個個都唔飽… 下次… 真的要轉地方了…