5/5
中午妹妹食左少少粟米同面飽就唔再食, 隔左一陣仲嘔添, 都嘔左好多呀…
但妹妹都堅持去試堂, 希望佢冇事啦…
梁玉潔舞蹈學校响黃埔開左分店, 真好, 唔駛搭車去跳舞…
換左件芭蕾舞裙, OH! 好可愛啊!!
試堂一個鐘, 另一位小朋友0既媽咪成日偷睇, 然後返黎話妹妹跟到哂老師0既指示喎…
出黎0刺, 老師仲讚妹妺一講就明, 我同妹妹講咁我地下星期六開始就黎上堂啦, 點知… 妹妺搖頭…
好驚訝, 妹妹期待左好耐, 點解突然唔想跳呢?
大家都同佢講左好多次, 佢都係搖頭…
好啦, 咁換返衫先啦…
响更衣室入面, 我細細聲再問妹妹其實咩事, 妹妹同我講:”唔係跳舞架, 係做運動架咋…”
哈哈哈哈… 佢一定係以為黎試堂就即刻教佢跳一隻舞, 希望越大, 失望越大…
佢都係想學鋼琴, 但咁細個未學得喎…
再講左好耐, 又氹, 佢都係搖頭..
人地都冇辦法, 叫我地返去考慮下…
在路上, 我都再同佢講AMY都有學, 但佢都係唔要, 真係好堅決喎…
佢話學畫畫好D, 因為畫畫時間快D, 但學跳芭蕾舞, 好耐同埋好悶…
妹妹未試過咁決絕, 唯有放棄啦…
沒有留言:
張貼留言