BANILA + WHOO

今日收到GMARKET0既PARCEL, 好開心呀!

有好多人都話好用0既BANILA FINISHED POWDER, 佢仲送左我好想試0既落妝膏, 真係好!

仲有買左4款WHOO SAMPLE, 又係好抵呀!

今次仲買左兩條衭同一對鞋, 網購幾時都咁開心!

忍忍忍忍忍

今日得7度, 要減肥真係有難度...

忍忍忍忍忍!! 要催眠自己, 好好味好好味好好味!

住家飯之鹹旦蒸肉餅+梅菜蒸菜心豆腐

今日開始實行五二減肥法, 每逢星期一同星期四我會只食500KCAL, 今日撞岩天氣咁凍, 真係好難頂....

原本諗住帶個蘋果返公司做早餐, 點知唔記得攞, 經過祥興就買左4個, 點知返到公司食左幾啖先發現個心係爛架, 好驚呀!!!

好肚餓呀! 到午餐6菜食, 食完好似冇食過咁呀, 冒險再切個蘋果, 咦, 呢個又冇事喎, HEHE...

太餓了! 忍唔住食左兩粒朱古力, 應該唔係好大問題吧!

好期待, 放工即走返去買餸煮飯, 自己煮就可以有多D野食啦!

鹹旦蒸肉餅

我第一次整咋, 整完點解D肉咁實呢? 經過一輪研究之下, 我諗買返黎0既肉碎都係要再剁先OK呀, 同埋下次要加多D水... 雖然實左D, 但味道冇問題, 所以老公都食左半個呀! 淨返半個帶返黎帶飯啦!

梅菜蒸菜心豆腐

買左石澳梅菜心, 果然好味道呀! 用百福蒸煮滑豆腐, 毫無難度又好味...

好期待聽日0既早餐呀! 好掛住菜肉飽!!!

為BB結婚準備 - 修眉

11/29

開始要為BB結婚準備下, 今日去左SHISEIDO修眉, 好鍾意今次條眉喎, 唔知KEEP到幾耐呢?

 

 

買左呢支掃, 用掃上果然係貼好多, 工具真係好重要...

修完眉, 响銅鑼灣0既時代文化睇左D拉丁舞裙, 嘩, 好貴呀, 成$480一條, 著一次真係唔捨得喎, 再去永福睇但佢地己經關門, 唯有聽日再黎啦...

杏林

尋日放工去左杏林做第一次treatment…

第一次, 我揀左叉背同叉腳, 叉0既功效會好D...

我因為腰又痛, 腳又腫, 比佢叉到瘀哂…

佢地話我對腳係水腫同氣腫, 膽經好漲, 因為食無定時, 膽經個位, 一叉落去就感覺到好痛, 而家瘀到好似比人打咁, 郁一郁都痛呀…

膝頭後係主要0既淋巴位, 我都好漲…

叉完之後, 背同腳都鬆哂, 腳都輕左好多, 不過… 呢個效果可以維持幾耐呢?

我明白呢D野係要KEEP住做先有效, 但我咁懶, 應該每兩星期至一個月先會做一次…

下次試下推身先…

SESHA ADVANCED ANTIOXIDANT CREAM

尋日上網無意中見到SESHA呢隻牌子, 個網係介紹佢0既千元眼霜, 但係, 一睇我就記得呢個牌子, 因為我都有一盒存貨!!!!

即刻搵返出黎睇, 原來CREAM黎, CHECK過原來呢個牌子係貴野黎, 上網買減左價都要HKD990!!!

好貴啊!!! 成千蚊一盒CREAM, 仲要得30ML...

不過, 用落始終都係覺得REJEUNE好用D喎... 

ELYZE的體驗

1/13

我係DERMES同REENEX客戶, 生日月份, 可以去ELYZE享用一個FREE TREATMENT同攞一支PRODUCT….

磅完之後有個詳細報告…

結果, 原來我咩都唔夠…

水唔夠, 蛋白唔夠, 礦物質唔夠, 連脂肪都唔夠, MUSCLE亦唔夠…

不過脂肪分佈不均 (唉, 我都知架0刺…)…

原因係飲食問題, 休息唔夠同冇運動, 腳亦有血液循環得唔好0既現象…

佢地幫我做左個TREATMENT, 大脾真係瘦左DD, 同埋D肉冇咁實…

好似幾有效咁喎…

佢地分別SELL我兩個PLAN, 第一個做十二次, TOTAL $16XXX, 我諗佢地明知我唔會比咁多錢啦, 所以再SELL我做5次0既PLAN, TOTAL $8XXX…

不過… 自問都唔算太肥, 所以我都係冇JOIN到… 都係平時做下運動算啦...

佢地服務態度真係好好, 我唔JOIN佢都冇黑面, 仲送埋我出去等LIFT添…

多謝佢地今次令我知道自己有咩問題,飲食, 休息同埋血液循環唔好0既問題要正視了…

L'elan Vital美顏卸妝油

呢個月ECOSWAY有呢隻卸妝油做緊促銷, 好平, $99兩支, 每支140ml...

店員話好用, 咁信佢一次啦, 衰極都係$99啫...

第一次用, 未識控制, 覺得d油好快鯨左咁, 同我平時用開0個d唔同...

第二日再用, 當d油鯨左之後, 隻手濕一濕水, 再捽, 就乜都乾淨哂0刺...

假期時劃左eyeline同mascara, 都一樣落得好輕鬆....

good, 要趁5/15前再去入貨呀!!

EVVUS

12/22 做冬我地下午放假, 公司呢個福利真好!!

我2:00先走, 做埋D野然後去EVVUS接受佢地0既皮膚consultation..

其實Evvus已經約左我好多次, 响電話度又冇講清楚佢地係做咩treatment, 所以約左好多次我都放左飛機 (跟住就唔上心)....

今次見早放, 就一於上去睇下係咩冬冬啦...

原來... 佢地係sell一d我好有興趣知道0既野!!!!

1. ACR細胞再生療程 -

令細胞再生, 修補衰老受損的肌膚, 令肌膚回復青春健康... 方法好得意, 要响手臂度抽血, 然後將血小板精華分解出黎, 因為血小板受到激化之後, 生長因子就會釋放出黎, 將呢d血小板精華注入肌膚0.2mm皮層, 激活沉睡0既幹細胞, 咁肌膚0既組織, 外觀, 功能都會奇蹟地自動收復再生... 真的好厲害, 不過我諗我唔需要做d咁勁0既treatment住囉, 十年後啦, 我諗到時我會有興趣... 一個療程大約hkd40,000.00

2. OBAGI -

功效係"將肌膚回復透白零色斑", 唔駛做treatment, 只需要用醫生配比你0既護膚品, 由洗臉至搽面, 防晒都齊哂架0刺, 每套hkd3xxx, 可用到2-3個月, 期間每3-4個星期返去搵醫生覆診, 整個療程唔會超過半年, 皮膚就會變得白白, 又冇哂色斑...

3. BOTOX -

呢個係我最感興趣0既一個, 而家都越黎越普遍, 可以做响面部同小腿, 打完支針, 舊肌肉會縮細左, 大概係麻醉佢令佢用唔到, 如果我打咀嚼肌, 塊面會瘦好多... 如果打面, 只用一支BOTOX, 費用係HKD5xxx, 如果打小腿, 因為每隻小腿有三舊肌肉, 每隻要打一支, 咁即係total hkd11000.... 打完之後可維持6-9個月, 不過就算之後唔再打, 舊肌肉都唔會變返以前咁大, 因為話哂舊咀嚼肌已經鍛鍊左幾十年...

佢地仲有laser同透明質酸療程, 醫生建議我打botox縮細塊面同打透明質酸拉長個下巴, 咁我就會變左瓜子口面0刺!!!

完全冇後悔上黎聽, 好得意, 真的大開眼界, 可惜, 我暫時仍未接受到做botox响塊面度, 我驚人地話我整容呀!!! 如果我有好多多餘錢, 我會考慮打小腿...

Evvus位姐姐一d都唔hardsell, 可能佢知我似運吉卦, 但佢依然好有耐性解答我d問題, 真的要讚!!

美肌18

同事極力推介呢隻美肌18, 其實我已經唔係第一次有人介紹....

同事話食左4日就覺得白左, 皮膚好左, 個人冇咁攰, 食左一個月左右仲覺得d肉firm左添....

美白同firming我都好需要, 佢講到咁神奇, 我當然唔執輸即刻去萬寧買返兩盒試下啦...

hkd298/盒, 可以食兩星期, 我買0既時候, 萬寧個架度有coupon, 每盒減左$10, 0個日買健康滿500蚊仲有張萬寧50蚊coupon送添!!

買兩盒0既原因係因為憑兩個盒上0既barcode就可以去換一樽維他命c, 呢隻野配合維他命c效果會顯著好多....

ETERNITY BEAUTY

我一向都有毛髮過多0既煩惱, 都有幫襯開dermes同sky beauty美容院, dermes當然好, 地方靚, service好, 有保証, 但價錢貴, 只可以做d細部位.... sky beauty, 價錢平少少, 但地方細, service不太好, 到時間做都唔會提你....

經阿敏介紹去左eternity beauty, 响九龍灣0既商住大廈樓上, 岩哂响九龍灣做野0既我啦!!

價錢超級平, 友情價, 真的好開心!! 佢只係dermes大約四分一價錢!!!

雖然佢地收到我地好平, 但絶不馬虎, vicky超級有心機, 雖然做0既過程比較耐, 但效果非常好... 佢地唔係用激光, 而係用彩光+射頻, 呢部機要成幾十萬, 做0既時候冇激光咁痛, 做完第一次, 我對腳已經少左超過50%0既毛, 滑左好多呀, 而家又唔駛日日處理, 好開心!!!

vicky話可以一個月做一次, 有別於其他美容院 (dermes兩個月一次, sky beauty開頭兩個月, 後期就變三個月), 做得密d就快d攪掂!!

今日我做左第二次0刺.... 7點開始做, 9點幾完成左對腳, 下星期再去做埋手....

(弊, 妹妹而家早左訓, 估唔到反而我仲遲左訓添, 唔得0刺, 真係要訓0刺!!)

REJEUNE CREAM

今晚去CWB做treatment, 順便上阿Ming公司攞埋兩樽Rejeune Cream....

記得阿Ming0個日打黎, 問我知唔知邊度Rejeune cream, 我唔知, 阿Ming反應係, 吓? 咁出名你都唔知? 於是又問下同事, 佢家姐都係用緊, 話好好用喎!

HEHE....呢樽就係傳說中0既REJEUNE CREAM!!

聽聞功效多多, 網上話可以通經活絡、美白緊緻、平衡荷爾蒙、美容護膚、提升免疫力.... 說明書仲得意, 未停經同已停經0既都有唔同份量, 不過幾多為之2公克, 我真係唔知....

今晚我只試搽面, 聽晚再試下其他部位先...

瑪花 - 全身人手通淋巴

兩個月前經世紀join左一個瑪花0既10次療程, $14xx/10次, 有好多種facial同body揀, 好似好扺咁....

因為太多野做, 我今日先做第一次療程..... 我揀左 - 全身人手通淋巴....

美容師sandy話我對腳勁水腫, 應該係因為食得太多街外野, 同埋坐得多.... 唉, 我都知我好嚴重架0刺, 希望你可以幫到我啦.....

45分鐘, 我覺得sandy用左起碼一半時間响我對腳度, 好神奇0既事係.... 當佢通完一邊腳, 我摸一摸, 真係唔同左喎!!!!

今次係我第一次通淋巴, 我覺得通完好舒服呀, 成個人slim左, 實左, 同埋感覺輕盈左, 連個背好痛0既感覺都冇左, good x 100000000000!!!!!

廣源良 - 蘆薈強效保濕活膚霜

聽聞廣源良响台灣好出名, 又平又好用, 上網SEARCH過都見到好多好評, 呢排我積極發掘好用0既平護膚品, 咁當然要買黎試下啦....

網上推介幾個PRODUCT, 我就買左呢隻蘆薈強效保濕活膚霜黎試, 响莎莎買$48, 勁勁勁勁勁平呀!!!!!

咁平, 我呢個孝順女當然會預埋媽咪一份啦, 媽咪試完, 話比我知好好用, 搽落去涼浸浸好舒服, 仲叫我買定半打比佢添..... 嘩! 乜好用得咁誇張咩??? 攪到我都好想快D試下呀!!!

好不容易先用完個LANCOME, 終於可以試0刺!!!!

一開始搽, 覺得好水好水, 感覺OK....

但過左一陣, 真係好一陣咋, 塊面就抆抆緊0刺~~~

感覺真係完全冇料到呀......

老公都有用, 但佢居然話冇乜野, 都OK喎..... 吓?????

搽左兩次, 我決定放棄佢.....

過左幾日, 老公同我講: "你0個樽野, 真係冇乜料到喎....", 哈哈, 你終於感覺到呢.....

最後, 呢樽"0既野"就就咁比我放左响度, 最捧場0既人係傻婆李梓丹, 日日都攞黎搽腳, 又搽面, 搽完自己摸住塊面: "好靚!!", 奶奶話佢有一日仲搽到成身都係添.....

而家樽野只係得返半樽咋.....

Crabtree Evelyn Rosewater Hand Remedy

舊年0既某一日, 我超級ON居地响CRABTREE度買左兩張CASH VOUCHER, 面值$600..... 雖然係用7折黎買, 但CRABTREE成日都減價, 買完先醒覺真的好ON居.....

記後CRABTREE出左ROSE系列0既護膚品, 以前都用過佢地0既護膚品, 我覺得都頗岩自己, 所以今次一於用D VOUCHER黎買啦!!!

一心諗住買兩樣野, PLAN好係NIGHT CREAM同水份MASK, 應該只補少少錢就夠0刺.... 但, 原來事實並唔係咁架, 我呢個白痴購物狂, 最後比多0既錢仲多過D VOUCHER囉..... HAHAHAHA.....

另外, 買左支泵裝0既GARDENER HANDCREAM, (我有煮婦手, GARDENER先夠潤...), 同埋呢支ROSEWATER HAND REMEDY, SALES姐姐教我每早晚搽, 然後再搽HAND CREAM.....

平時搽HAND CREAM, 洗完手就會冇哂, 但搽左呢支精華打底, 洗完手都唔會覺得勁乾, 好似仲有層野潤住咁, 好彩今次冇買錯呀, 好好用!!!

Reenex CPS Treatment 第三次

呢排太忙, 一陣又要同妹妹去睇醫生, 一陣又約朋友, 做完第二次CPS treatment成個月都未做第三次（原本應該兩星期做一次架!), 美容師打黎話如果我再唔做, 就變左係要維修唔係保養架0刺, 於是的起心肝尋晚就做左第三次treatment....

美容師先比我試做佢地隻Laser - 冷凍光學膠原再生療程, 佢幫我試做對眼, 我即刻問佢攞塊鏡黎照下先啦, 睇下做完會唔會有咩唔同左ma...hehe....不過美容師話唔駛照0刺, 因為第一次係唔會見到效果架...ho....

美容師sell我話如果想皮膚keep得好d, 應該响做CPS同時做埋LASER, 佢地呢個LASER係1540波長, 同普通美容院0既1064唔同,佢地呢個先可以打入真皮層, 除左可以改善皺紋, 鬆弛, 缺水, 疤痕同粗大毛孔之外, 仲可以幫助骨膠原增生添… 老實講, 呢排我見到自己塊面好似瘦左, 但其實感覺上係骨膠原流失多d呀, 除左唔夠油唔夠水之外, 塊面一d彈性都冇, 突然覺得自己老左呀…

聽到佢話個laser可以增生骨膠原, 真係好吸引, 不過以我而家0既狀態, 又似乎暫時唔駛做laser喎, 於是我用左”好窮”黎推左美容師, 都係等我儲多d斑, 多d皺紋, 同多d錢先啦, 哈哈…

不過美容師一見就睇得出我平時有捽眼, 因為我眼頭明顯多d紋… OMG! 真係比佢講中呀! 果然係PRO呀, 我晚晚沖涼都慣性要捽一輪架, 唔捽個心同對眼都會好痕架, 唔得0刺, 我真係要改改呢個壞習慣…

正常做laser會痛, 但佢話呢部機有冷凍功能, 所以皮膚只會覺得凍唔會痛, 果然, 眼咁敏感0既部位都冇覺得痛喎… 不過今日同同事講起, 佢就話我試眼實在太危險0刺…

之後美容師就正式幫我做個cps, 同上次一樣, 兩邊面做20度, T字位角質層比較厚0既就做30度, 今次噴中和液時我都冇再遇溺0刺…

做完之後覺得塊面滑左, 鼻同鼻側邊0既污糟野都少左好多… 雖然佢幫我敷左個水份MASK, 但趁住岩岩去完角質皮膚可以勁吸收營養0既時候, 沖完涼我都即刻敷左個CHEAP CHEAP我的美麗日記MASK, 呢個MASK真係好平, SASA同卓悅都做緊特價, 唔駛$50一盒, 日日敷都唔肉痛啦, 之前雜誌都有講過話好, 我仲分左D比媽咪用添, HEHE… 要靚係要付出代價0既, 妹妹第一次見媽媽敷MASK, 指住媽媽嗌”哎呀!!”, 短短20 mins, 妹妹已經哎呀左近10次, 媽媽真係有hard feeling囉….

今朝起身, 皮膚仍然係白滑左d, 估唔到係返到公司, 隔離位同事都話我今日個妝好靚喎 (呵呵!), 其實我比平時仲化得薄左呀, 哈哈! 有d開心添, 但唔知呢個效果可以keep到幾耐呢??

 

B12 & Persian Rose

上星期五, 做完reenex treatment, 就去K11同CANDY食飯慶祝生日…  經過卓悅走左入去想買支hair conditioner, 咁岩諗起卓悅有得賣藤原紀香同Queenie Chan推介的B12 cream, 一問之下, 先知原來己經減價減到95蚊一支, 嘩, 超平呀!! 不過個sales話我d皮膚唔駛用d咁修護性高0既product, 佢推介我用一隻叫做什麼波斯玫瑰0既牌子, 話好多明星都用, 我見一樽cream只係$252, 就買黎試下啦…. 返到屋企上網搵到呢隻牌子以前响章小蕙間shop有得賣, 而家就只有卓悅代理, 的確係好多名模用的喎 (唔知真唔真…)

 

B12 cream 卓悅sales建議我一, 三, 五咁間住用, 唔會咁容易出油脂粒, 我有聽話呀, 因為搽上去真的覺得笠, 不過第二朝就會冇哂… reenex的美容師話我皮膚唔係唔夠水, 係唔夠油, 要搽d潤d0既product, 所以我諗呢隻都應該少少岩我卦….

到而家為止, 我已經用過幾次0刺, 我發現搽粉好似貼左喎, 皮膚冇之前咁乾, 等我都叫老公用下先!!

Persian Rose - Rose & Aloe Vera Gel, 係ORGANIC野黎喎, 所以要開封後三個月用哂, 死啦, 我仲有其他存貨未用完, 好想快D開黎試下呀.....

IPSA修眉

因為上次响IPSA買左野, 送左一次修眉服務, 見差唔多到期, 又好耐冇做過FACIAL, 就一於去IPSA修個眉啦!

我星期五即日BOOK, 只得LUNCH有位, OK啦, 修完眉可以買面包返公司食, 又慳錢, 又可以減肥 (但結果係好辛苦, 因為冇食早餐, 午餐又只食面包, 個肚好似好空咁, 好似唔夠應付我呢日咁繁忙0既工作...)

平時FACIAL0既修眉佢地都只會幫我跟住個眉形修, 今次IPSA個姐姐幫我修走左個角喎, 睇唔慣添, 不過個樣好似好人左D咁, 哈哈!!

個姐姐叫我畫少少眉, 將D空位(有D位比較疏落)填返色, 我要快D抽空去買返眉筆先得!!

Reenex CPS第一次

尋日放工去左Reenex做左第一次CPS療程，我太多野做趕唔切走，遲到左20分鐘，真不好意思····

影左相先做treatment，但佢唔俾張相我睇返，話響相機睇得唔清楚，同埋都未做treatment，睇都冇用，佢地會唔會做手腳架？

做treatment連敷mask大約45分鐘，噴中和液時我仍然好似浸親咁，好緊張，好惹笑···

做完基本上唔駛再做facial，只要搽野搽得岩, 勤D敷MASK就OK, 可以去做FACIAL, 但唔好針清, 因為CPS己經可以溶解D黑頭粉刺, 針清仲更加令毛孔擴大, 污糟野好快又積聚返....

美容師話我D皮膚偏乾, 唔夠油, 要搽D比較滋潤0既SKIN CARE, 佢話搵次我可以睇下佢地D PRODUCT, 嘩, 肯定好貴啦, 我一定盡量避!!

做FACIAL時除鞋, 先發現對鞋個底爛左, 仲要好嚴重0個隻, 好驚呀! 會唔會行行下斷左架? 好彩隔離有i.t.(我第一次素顏行i.t., 幾驚撞到熟人..), 我買左兩對鞋, 不過好後悔呀, 我覺得我買錯左呀, 應該買三對先岩, 第三對有7折呀!!!!

Reenex CPS Treatment

尋晚去左Reenex度試做CPS Treatment, 我好buy醫學美容, 因為好快見效....

 

Reenex係Dermes0既姊妹公司, Dermes做脫毛, Reenex做美容..... 因為有幫襯過Dermes, 覺得佢地質素同服務都超好, 所以Reenex打黎我就預約左去試做0刺...

 

我準時6:30去到, 登記完, 飲左杯菊花蜜(正喉嚨痛, 岩哂呀!!!)....

 

治療師帶左我入房, 講解左兩樣唔同0既treatment, 一係cps treatment 更生活膚療程(果酸), 針對減少角質層同埋更生細胞, 可以均勻膚色, 減少細紋, 暗瘡, 黑頭粉刺等等.... 另一個係Aramis laser, 可以收細毛孔同改善皺紋等等... 治療師建議我試cps, 佢話D客通常都係做左cps先, cps亦係佢地個三部曲裡面0既第一部...佢話我如果做呢個treatment, 應該可以白返兩度(咁神奇?), 佢話我其實唔係咁黑, 因為條頸都唔算黑 (係呀係呀!!!)....

 

跟住佢比我d客人0既相我睇, 嘩, d效果又真係好驚人架喎....

 

做treatment0既過程好快, 首先佢幫我搽左一層野用黎test下我d皮膚係咪適合做cps, test完就幫我搽d果酸上面, 原來果酸都有好多唔同度數, 佢話我唔需要用高度數, 同埋試做通常都會教到最低, 搽完果酸塊面會有少少痕同少少吉, 係正常0既.... 一搽完3分鐘就用中和液沖面, 因為果酸唔可以停留响皮膚度咁耐, 最多3分鐘.... 沖面0既過程唔係太好受, 唔知係咪唔慣呢, 我成日好似遇溺咁, 我諗都幾好笑..... 之後佢問我塊面仲有冇痕或者吉, 有0既地方佢會沖多次, 確保d果酸被沖走哂....

 

跟住搽返面, 咁就試做完0刺....哈...快到呢....

 

原本個treatment包埋一個勁mask0既, 但我試做就冇跟.... 不過呢, 做完d皮膚又好似真係柔軟左喎....

 

我見治療師成塊面都一樣色, 好靚, 真的好羡慕, 佢話佢有搽少少粉, 但d粉係貼到完全睇唔出架, 我覺得好正呀...

 

最重要0既時刻到0刺, 就係sell我0刺, 其實我係一d都冇抗拒架, 因為我都幾鍾意佢地d service同quality (dermes), 幾百蚊做一次都負担得起, 同埋期間都唔需要再做facial (不過我條眉點算呢???), 所以好快就決定左0刺, 不過我冇要到佢地話好正0個個mask, 只跟個biotherm mask, 咁就平返d....

 

佢話4-5次就會見到效果, 好期待唔駛搽粉落街0既日子呀....