英國 一項最新研究顯示，無名指與食指的長短，可反映學習新技術的能力。
英國巴斯大學研究人員調查了150名電腦系學生的技術能力和生理數據。結果顯示，那些無名指比食指更長的學生，在學習技術方面的能力往往更強。
研究指，無名指與食指的相對長度，能反映出胎兒在母體中接觸睪丸激素的程度，接觸睪丸激素愈多，無名指相對就更長。而這種激素對大腦發育的影響，又會導致學習新技術時的能力差別。
研究人員還調查了119名文科學生在學習技術方面的表現。結果也顯示，那些無名指相對食指較短的學生，在學習使用電腦等方面的新技術時往往有更多的焦慮情緒，表現出「技術恐懼症 」。
進行研究的布羅斯南博士說，這是很有趣的發現，手指的長短居然和學生在學習技術方面的能力具有相關性。
呢樣野剛好同之前學到0既野好吻合!!! 無名指長過食指0既人男性荷爾蒙較多, 而男性响操作技術能力方面又確實係較強!!
原本星期四先係最後一堂, 但阿sir話學校要佢上其他堂, 所以我地唯有就佢改為星期一上, 時間改為7點半, 但阿sir最後連7點半都趕唔到, 遲到左成半個鐘, 不過算啦, 見佢响澳門趕返黎, 又成身濕哂, 佢都唔似一個不負責任0既人.....
呢堂我地學皮紋分析, 哈! 呢樣野同NLP好似扯唔上關係喎? 後來我地知道原來佢係有做呢樣生意架, 咁呢堂好明顯就係搵生意, 不過雖然佢奸奸地, 但我又對皮紋好有興趣, 都要多謝佢教左我地呢樣野....
我地用唇膏套取指紋, 但效果唔係好好, 我主要都係睇返自己手指 (後來我發現响陽光下睇係最清楚架)....
古語有云: 一斗窮，二斗富，三斗四斗賣豆腐，五斗六斗開當鋪，七斗八斗坐著走(當官)，九斗十斗享清福. 原來中國响西元前三世紀(即係幾時呢??)已經有研究指紋, 所以民間有呢個說法..... 原來我係七斗架, 我咪做官??? 哈哈哈!! 不過斗之中最好就係正斗紋, 而我0個七斗就全部都唔係正斗, 所以我樣樣都唔係最好0個隻...
阿sir話, 如果一個人有7隻同類0既紋, 就代表0個個人係0個種性格, 我有7個斗紋(雙斗, 螺同囊形都係斗紋), 我覺得都講得幾準:
斗型紋: 認知學習型
行為特徵: 凡事講道理(準), 問由來(準), 獨立性強(準), 充滿活力(一般啦), 具競爭特質(一DD野啦), 學習上較主動(都OK0既), 具開創性格(即係咩??), 但容易形成主觀(係幾主觀架), 固執(有時都幾固執架), 不易溝通(同某D人係溝通唔到架)的個性...
阿sir仲話, 呢類人唔輕易放棄(yes!), 諗好多野, 但可能諗極都諗唔掂(係呀, 有時越諗越多, 就係諗得太多呀, 好岩呀!!), 同埋係做leader多(咁呢個我又未係喎.)
我0既結果:
右手拇指 - 代表組織及管理能力 - 雙斗形 (枝節多, 容易諗多左, 要專注d先得)
右手食指 - 代表邏輯及推理能力 - 螺形
右手中指 - 代表操作及理解能力, 小肌肉 - 螺形
右手無名指 - 語及記憶能力 - 螺形 (這對大人影响不大)
尾指 - 閱讀及觀察能力 - 囊形 (這也對大人影响不大)
左手拇指 - 創造及思考能力 - 正箕紋
左手食指 - 空間及想像能力 - 螺形
左手中指 - 藝術及律動能力, 大肌肉 - 正箕形 (我真係冇乜藝術同運動天份喎)
左手無名指 - 音樂及情感能力 - 螺形
左手尾指 - 認知及圖像能力 - 正箕形
阿sir話小朋友响8歲前做皮紋分析會好d, 咁爸爸媽媽就可以根據小朋友0既特質去發展, 我決定會幫妹妹做, 就約7月尾啦!!
