Homeless Alien @ Times Square Music Room

今日放工後去左TIMES SQUARE捧場, 希望Home Alien以後繼續努力, 有更多演出機會!

早到的蛋糕

今日放工返到屋企，老公拎左個紙盒比我，望住個紙盒，過左兩秒先識睇下上面嘅字，見到係Baby Mon Cher, 但有少少不敢相信，原來佢千里迢迢去左sogo買堂島卷比我。



跟住喇叭咀妹妹仲爆响口話雪櫃仲有生日蛋糕，仲叫我估係咩公仔添...

雖然就黎食飯，但老公堅持要我試一件先...

朱古力味嘅堂島卷，味道不太甜，略嫌淡左啲，不過終於試到，都開心呀！



食完飯溫左一個鐘頭書，到切蛋糕時間喇，Hello Kitty蛋糕出場，好靚喎！



個蛋糕樣好靚，味道都幾好，食啲cream就知道唔係cheap野，哈哈!

多謝您幫我預祝生日!

2014 birthday dinner with sisters

已經幫襯左The Legend Concept好多次，Piann好好人，所有野都安排週到，响佢度食野好舒服。



Happy birthday to me!



不過我今日不在狀態，三個人飲左半支紅酒我已經唔多舒服，返到屋企暈陀陀，又想嘔...

2014 x'mas party

今次party地點係深灣遊艇俱樂部，對我地黎講交通算幾方便，又多野玩，good!

我地大約6點到達，妹妹先打一陣保齡，始終都係未夠力，好彩可以升起兩邊嘅欄，咁就一定唔會落坑喇!



呢度有個好好玩嘅兒童樂園，小朋友們玩到唔捨得走...







我地book左個房食飯，夾埋小朋友我地有三十幾人，不過大家掛住飲酒多，食左好少野咋...

小朋友們追追逐逐，大人就傾偈飲酒，大約10點就有人醉左，例牌第一位都係我老公啦，haha....

跟住再唱k, 岩哂妹妹，佢可以唱相逢何必曾相識，hahaha...

老公繼續訓，而我呢，基本上多數情節已經唔記得，全靠妹妹今朝話返比我地知... 原來妹妹見我有少少醉，仲幫我飲左兩啖白酒呀，OMG! 返到屋企妹妹仲識照顧我地，佢真係好叻女呀！

ANNE姐姐日本手信 - HELLO KITTY大魷魚

ANNE姐姐去日本0既手信, 好長0既魷魚呀!

好靚, 不過味道比較淡....

魚旦舅父生日- 榕樹澳釣魚樂魚排

放暑假真係好忙, 又MISS左好多野未UPDATE0刺...

 

決定又呢一日開始寫, 之前嗰D有時間再後補啦...

 

今日一大班人慶祝魚旦舅父生日, 大家放棄了只食餐飯0既簡單節目, 改為親親大自然, 游下水, 釣下魚, 雖然我同大自然一直都做唔到朋友, 但為左個女, 我都甘願冒住晒黑0既危險, 去玩一日0既~~

 

今次大家黎到西貢榕樹澳, 朝早10點到達西貢, 再搭的士去榕樹澳碼頭, 沿樓梯行落去, 見到幾幾批人等緊船...

 

好猛太陽, 好彩我地响屋企已經查定太陽油啫...

 

對大家黎講係天公做美, 但對我黎講陰陰地會適合D, 哈哈哈...

 

 

响魚排中間可以打開兩個窿, 一班人圍住釣魚, 個個小朋友都好有興趣, 不過聽D人講話好難釣呀, 因為D魚太細條, 個咀太細好難入到鈎呀...

 

當大家差唔多放棄時, 竟然比妹妹釣到一條喎, 好叻呀你!

 

 

於是乎, 妹妹全日有一半時間响度釣魚, 個個圍住個窿, 好攪笑...

 

 

好驚妹妹唔小心跌落個窿度, 我要抆住佢呀...

 





 

妹妹一時游下水, 一時又上黎釣下魚...

 

 

又釣到0刺!

 

 妹妹好喜歡晴晴姐姐..

 



日落景色都唔錯...

 



 

原本呢個魚排(名叫釣魚樂)都唔錯, 因為有花灑可以沖涼, BBQ食物又OK, 可能始終唔响海中心, D水唔夠乾淨, 不過大家都有落水游, 應該算係接受到... 不過最大缺點係... 到我地走時, 架船响一個"政府公地"0既碼頭比我地落船, 我地又大又細咁要越過D鐵牌, 爛橋, 好恐佈.... 重點都唔係呢個, 最嚴重0既係要出返去搭車, 要行好長好長0既路, 途中冇行人路, 有車經過, 黑忟忟, 太危險了...

 

下次都係唔去呢度0刺...

 

 

 

 



魚BB長大了

孔雀魚BB終於兩個月了, 我地決定將佢地放入正式的魚缸, 試下同大魚一齊生活!

有一條比較弱0既BB早幾日死左, 好可惜, 佢無緣去到大人0既世界...

將16條BB放落魚缸, 好攪笑, 可能佢地慣左响個細玻璃兜生活, 落到魚缸佢地都係堆埋一齊, 個範圍就同個玻璃兜一樣...

而呢條斑馬, 因為品性太兇殘所以比我地隔開左...

BANILA + WHOO

今日收到GMARKET0既PARCEL, 好開心呀!

有好多人都話好用0既BANILA FINISHED POWDER, 佢仲送左我好想試0既落妝膏, 真係好!

仲有買左4款WHOO SAMPLE, 又係好抵呀!

今次仲買左兩條衭同一對鞋, 網購幾時都咁開心!

LG G PRO 2

PCCW早兩個星期打黎話可以斷我約, 我部S3仲有4-5個月未供, 突然可以斷約真係好著數, 其實我一出左部S3就後悔, 近排仲要成日HANG機, 忍左佢19個月都算係咁啦! 

今晚部G PRO 2送貨0刺, 好開心! 聽日開始放假可以响屋企好好研究呢部新玩具!

驚喜! 孔雀媽媽生BB!

唔知叫做幸運定唔幸運, 買左八條孔雀魚, 有爛尾的, 有病的, 亦有大肚的...

妹妹對生BB呢件事超好奇, 所以佢成日都留意住大肚魚魚的一舉一動...

尋晚, 妹妹留意到大肚魚魚匿左响角落頭, 佢同我講, 我一睇, 原來魚魚响度生緊BB呀! 已經有幾條BB响附近!!

為免BB成為其他魚0既晚餐, 我地即刻將BB撈出黎, 總共有7條!

魚媽媽都幾慘, 生完BB比其他魚公狂追, 睇住佢比人追左足足兩個鐘... 大肚婆生完BB咁攰仲要不停游黎游去避開其他魚公, 真係戥佢辛苦... 越黎越唔對路, 我決定隔開魚媽媽先...

冇經驗0既我, 用一個碗黎裝住魚媽媽, 然後就去訓覺, 好彩妹妹訓上床後仲堅持要落返床飲水, 佢飲完水發現魚媽媽跳左出黎呀!!!

妹妹0既爸爸訓著都跳起呀! 即刻出去執返條魚, 妹妹救左魚媽媽一命! 好利害!

我地將魚媽媽放入一個杯度, 安心睡覺....

第二朝6點幾爸爸醒左, 發現魚媽媽又生左3-4條BB喎! 我一心以為爸爸已經將佢地隔開, 點知原來冇呀! 到10點, 爸爸打黎叫我去睇下, 嘩! 原來生左10條呀! 好勁! 如果魚媽媽冇食到BB, 咁佢TOTAL就生左17條魚仔0刺!!!

魚媽媽你忍耐下, 我地而家去買氧氣珠比你!

撞岩落大雨, 我同妹妺差唔多12點先落到去買BB魚糧同氧氣珠, 但好可惜, 間間水族館都未開, 我地白行一趟~~

返到屋企, 妹妹發現魚媽媽訓左响度, 哎呀! 魚媽媽死左!! 佢生完BB就死左, 好慘呀! 妹妹冇哂心機....

我地下晝再落去買魚糧, 水族館話魚媽媽係缺氧而死, 唉, 我地害左佢....

 而家唯有寄望魚BB快高長大, 我地一定會比心機照顧你地架!

種豆

今日阿佳帶埋呢副BOARD GAME黎玩, 我覺得好好玩呀! 

不過玩左兩舖都輸, 下次我應該會叻D架0刺! 哈哈!

都敏俊

一斷時間都冇追劇集了, 呢套”來自星星的您”, 竟然可以令我為追看而夜晚4點幾先訓…
 

然後…. 腦裡只有都敏俊….

 

真的傻了, 我竟然去DOWNLOAD都敏俊0既相啊…

 

 

馬年大年初七 - 同小穎媽媽拜年

小穎媽媽咁錫妹妹, 過年一定要同佢拜個年...

小穎選址APM御泰坊, N年前食過一次到而家...

以信唔係肚餓就眼訓, 心情唔多靚呀...

又喊又笑咁... 哈哈...

馬年大年初四 - 思契契家拜年

今年團拜時間比較短, 大家約左一點响思契契樓下飲茶, 然後上樓上坐陣就要走...

好百厭的三個小朋友...

淨返兩個鐘頭, 大人爭取時間打麻雀, 小朋友就落樓下play house玩, 幾個cousions都可以玩到濕哂, 哈哈...

出面playground仲好玩啦!

加油呀kaylie姐姐!

上返樓上食雪糕, yummy! 

由於玩得太癲, 妹妹一上巴士就訓左, 連板長都唔想食, 最後我地响吉之島買左和牛同壽司返去, 都好開心呀!

聽日爸爸就要返工0刺, 短短五日假期完畢!

蘭桂芳嘉年華

11/18

TRU响蘭桂芳開左個嘉年華, 我提議今日去...

原本妹妹話唔去, 要去科學館, 但科學館幾時都有得去, 嘉年華就唔係日日有喎...

比埋D相妹妹睇, 妹妹即刻轉軚啦, 妹妹性格就係咁, 樣樣都要比實質野佢睇到先會信...

去到蘭桂芳, 原來唔單止係TRU0既嘉年華, 主要係蘭桂芳嘉年華喎...

好多人, 好熱鬧, 好開心咁喎!!

排隊攞氣球, 又買啤酒, 炸魚, 好開心...

有巴西女郎熱舞, 好有氣氛呀...



仲有FACE PAINTING, 捐錢就可以畫...

好0刺, 行完先去TRU嗰邊, 反而覺得呢邊冇乜野睇喎...

行哂都係6點, 我地去左對面一風堂食晚餐, 爸爸依然覺得唔係太好味, 但我又依然覺得都OK...

跟住去左好味道0既HOLLY BROWN, 妹妹0既藍色雲呢拿雪糕...

呢個係我0既, 正常朱古力...