1/17
己經兩晚0刺….
前晚妹妹訓得唔好, 又咳, 又傷風, 一訓得唔好就成日想飲奶…
飲奶… 飲水… VV…. 飲奶… 飲水… 不停循環…
我去沖奶, 妹妺咳, 爸爸埋去掃下佢, 又比佢鬧:”你走呀! 你唔係訓呢度架!!” (乜咁清醒呀?)
訓著左又發夢…
發夢一: 我飲唔到呀!!!! (係咪想飲水呢? 但比支水佢又唔飲…)
發夢二: 我而家要去食MCDONALD呀!!!!
發夢三: 我要貼紙呀!!!!
開頭以為佢要廁紙, 以為佢流鼻水, 於是攞左張紙巾同佢抺一抺個鼻,點知… 原來係要貼紙…
朝早我係應承過夜晚整張新0既貼紙奬勵咭比妹妹, 點知妹妹訓住覺都記得…
仲要醒左, 大吵大鬧, 要我去拎貼紙…
唉, 半夜無端端要貼紙…
唔拎又有排嘈, 唯有起身整比佢…
拎咭, 筆, 間尺, 貼紙上床整… 好眼訓喎…
平時我都會問妹妹有咩條件, 叫佢自己講, 今次問佢, 佢合埋眼:”你講啦!!”
點呀? 其實你又想訓, 但又要我整貼紙, 唉!!!
攪掂左, 妹妹又識起身揀貼紙喎…
貼完貼紙又真係冇再扭, 仲冇再咳同發夢….
尋晚我同爸爸返到屋企己經10:30, 妹妹己經訓左…
可能爸爸同爺爺傾野0既聲浪嘈醒左妹妹…
妹妹仲好精神, 我企圖同佢傾兩句, 跟住叫佢訓…
妹妺連我要剪髮都記得, 問我係咪聽晚先剪…
越傾越精神, 仲走去攞哂D常識書黎一齊睇…
堅持要睇哂先訓, 0個陣己經差唔多12點0刺…
好眼訓, 但有6-8本, 一路睇我一路訓著… 妹妹不停篤促我繼續…
好辛苦先睇得哂…
呢個時候爸爸都差唔多沖完涼, 佢出黎話同妹妹玩, 我去沖涼…
點知, 妹妹誤會左真係玩, 硬拖爸爸出廳…
爸爸唔肯玩, 妹妹最後喊住去廁所搵我…
呢個時候嫲嫲就出黎抱走左妹妹0刺…
妹妹好奇怪, 每次去到嫲嫲房就會好快訓著, 唔通嫲嫲房唔同D?
沒有留言:
張貼留言