重遊大埔

上星期原本想同妹妹去大埔海濱公園玩, 不過妹妹嫌遠話唔去...

今日突然話想去廣福村公園, 好啦, 咁我地去大埔啦, 大家都好掛住大埔呀...

搬走左已經有8個月, 當然大埔冇咁快變啦, 冇陌生過...

不過李智恆最想食0既群記牛腩米就冇開門, 失望!!

我地先去街市食LUNCH, 然後經過精品舖, 妹妹大收鑊!!

戰利品:-

再返英藝幼稚園, 妹妹仲記得, 影左幾張相...

再去彩虹食甜品, 李智恆好掛住佢地0既糖痴豆... 仲記得以前大埔好少甜品店, 我地成日幫襯彩虹, 但後來滿記同松記响附近開左, 我地就好少去0刺...

千揀萬揀, 我揀左個黑糖雪糕, 滿足左我又想食雪糕又想食珍珠0既慾望...

妹妺唔食得凍野, 叫左個熱豆腐花比佢, 但佢食左兩啖就唔食...

然後經大埔中心, 真奇怪, 所有地方0既彈波波都消失哂, 妹妹好鍾意玩架, 呢樣野係咪以後會消失???

買兩個超正牛油皮旦撻, 再去廣福公園玩..... 途中, 我見到妹妹0既舊同學蘇子晴, 妹妹好開心, 可惜.... 蘇子晴已經唔記得左妹妹0刺.... 以前一齊坐, 一齊玩, 好朋友, 原來幾個月唔見就會唔記得, 小朋友0既友誼原來就係咁短暫.... 咁.... 遲D戴芷蕎生日會究竟去唔去好???

行到去廣福村, 發現妹妹都已經冇乜感覺咁, 點解會咁架???

去到廣福公園已經6點幾, 呢個公園依然係冇人玩, 真好...

但玩左一陣就發現有蚊, 妹妹嗌走0刺...

要行去廣福村搭車, HEHE, 我又可以食我0既至愛燒賣!!!

今日, 個口未停過....

返到屋企嫲嫲煮飯比妹妹食, 嫲嫲買左廣福村街市0既豬扒, 仍然係咁好味!!!

妹妹只食左小半, 其餘又係我食, 嘩, 今日增肥十磅呀!!!