新竉 & CANDY姐姐生日飯..

8/26

今日心神仿忽, 做野做得好慢, 但放工又SHARP走喎, 哈哈! 博炒咩??

5:30走, 同DORIS LEE一齊搭297, 6:00落車, 好快呀!!
拎左隻新竉物送比妹妹鼓勵佢呢幾日返學咁開心, 妹妹好鍾意, 不停餵佢食野同要佢疴屎, 哈哈...

嫲嫲去左飲, 我帶埋妹妹去同CANDY慶祝生日, 我地去到小巴站, 我見到條龍自言自語起黎: "好長龍...", 妹妹:"我鍾意長龍.." ???  妹妹:"動物園..."

我地今次去左彩星0既FANDANGO食西班牙菜, 食物味道唔錯, 但價錢就貴左DD, 我地3個人食左千幾蚊, 而妹妹就因為眼訓不停扭計要返屋企, 除左少少法包之外咩都唔食...

同妹妹搭的士返屋企, 佢要自己坐同戴安全帶:-

我: 妹妹呀, 平時搭校車係邊個同你戴安全帶架?

妹妹: 姐姐...

我: 姨姨定姐姐呀???

妹妹: 姐姐呀, 佢好大個女架0刺, 我諗佢都就黎結婚0刺!!