好開心，終於擁有了！

自從有星光樂園之後, PRISM STONE已經有一段時間冇出新款0刺....

妹妹恨左好耐0既寶石盒亦都清貨後斷哂貨...

雖然妹妹恨左好耐, 但我一直都唔鼓勵用二百幾蚊去買個吉盒, 寧願用二百蚊去買石好過啦...

點知.... 今日竟然比妹妹响奇趣見到喎!

仲要係...... 98蚊ONLY!!!

於是乎, 妹妹又有禮物0刺!

做做運動

趁天氣唔錯, 傍晚黎海旁做做運動...

有人黎釣魚... 又可以散步..

夜景好靚呀!

得閒要多D黎先得...

細古古慶生-海洋公園遊

今日係細古古生日, 壽星仔去海洋公園可以免費入場, 所以今日我地相約一齊去..

我地今朝都仲要學小提琴, 學完返屋企換衫就出發0刺..

海洋館對小朋友黎講, 次次都新鮮..

呢張相影得妹妹好瘦喎! GOOD!

妹妹第一次玩熱帶激流, 成身濕哂, 但佢好開心, 仲好想再玩多次, 哈哈...

又黎到我最鍾0既企鵝館0刺, 好多企鵝疑似孵蛋中, 另一半就响門口等, 好得意喎...

玩左唔係好多野, 不過今日都好開心呀!

黃埔的小花海

好想去東大門睇嗰個LED花海呀..

雖然未去到韓國, 但發現黃埔船嗰度都有個小花海喎! 

今次唔駛去韓國都見到啦!!!

考試成績達標!

二年班第一次考試終於完成0刺, 學校都派返哂D試卷返黎...

雖然我要求妹妹平均分90分或以上, 但對剛剛好得90分呢個成績都有少少失望, 做人真係矛盾呀! 哈哈!

不過聽妹妹講, 中文試卷佢係全班第二高分, 都有少少欣慰...

既然達標, 禮物當然唔少得, 今日就响奇趣買左妹妹近排至愛0既星光樂園咭簿比佢...

老師欣賞你!

尋日老師响妹妹手冊度蓋左個印，稱讚妹妹樂於助人..

原來呢啲印係唔容易攞架，班上只有兩個小朋友攞到，所以... 妹妹心情好好呀！



不過... 呢個印得來不易，妹妹經常比老師調去需要幫助嘅同學隔離，妹妹雖然好願意幫忙，但有時媽媽都希望佢真係要顧得掂自己先好呀！

第一次跑跑跑

一直都好想跑下步，做下運動..

由4年前响大埔住，直至搬左黎紅磡，一直都只有諗同講，真慚愧...

今朝終於都有機會喇，因為妹妹今日開始返學校嘅小提琴班，我可以用呢一個鐘去海濱跑下步..



今日開始涼涼地，朝早唔晒，又有啲風，跑步一定好舒服啦…

我的第一次，半跑半行了23分鐘，出一身汗，感覺唔錯呀！

期待下個星期再跑!