Homeless Alien @ Times Square Music Room

今日放工後去左TIMES SQUARE捧場, 希望Home Alien以後繼續努力, 有更多演出機會!

你最希望孩子擁有什麼?

今日整理手機0既照片時發現到呢張相, 係我响開學日校長致辭詞影低0既...

呢個時勢, 個個都想盡辦法裝備自己0既小朋友, 谷到佢地變成超人, 務求入到最TOP0既小學, 但其實... 內心心處究竟大家最希望孩子擁有什麼? 睇呢個LIST, 睇到鼻酸酸, 其實一個小朋友, 能照顧自己的起居飲食, 身體健康先係最重要, 排下排下, 最後先係能為父母爭光, 同有一份令人羡慕的職業... 做人, 冇左身體健康, 冇左和諧的家庭, 又有咩意思?  

提醒自己响要求小朋友有好0既學業0既同時, 都唔好忽略小朋友0既身理同心理健康呀.. 我會努力盡量繼續比妹妹有一個愉快0既童年...

2015家教會親子旅行

今次係爸爸第一次同妹妹一齊參予學校旅行, 大家都好期待呀!!

我地聲勢浩蕩咁幾百人一齊去旅行, 先黎一張大合照...

妹妹好多好朋友都有參加呀, 幾個女仔一個墟...

第一站係啟德郵輪碼頭0既空中花園, 見到佢地嘻嘻哈哈, 我都好開心!

 

個個女孩子都擺POST, 哈哈...

妹妹最愛0既周老師...

第二站係錦田鄉村俱樂部, 我地响呢度BBQ, 仲有好多其他野玩... 食左一陣, 我地同CANDICE就周圍去玩, 玩左呢架冇電0既野, 行得好慢好慢...

仲有整彩沙樽, 好靚呀...

CANDICE收穫有三條金魚, 妹妹就有一套弓箭...

黎張家庭照先, 圓滿結束...

終於望到你甩喇!

上個月頭發現妹妹下面一隻少少鬆左0既門牙後面生左隻牙出黎, 好驚好驚, 即刻打電話去牙醫度諗住剝左前面嗰隻, 點知姑娘話唔駛剝, 前面嗰隻甩左後面嗰隻就自然會移向前, 建議妹妹食多d蘋果...

雖然仍然好驚, 但姑娘0既專業意見都要聽, 唯有經常問妹妹鬆0既進度, 妹妹都好叻, 佢開頭見我咁担心, 提議不如問多一個醫生0既意見, 跟住又經常用條脷頂鬆隻牙, 等佢快d甩....

今晚, 妹妹原本用緊爸爸新買0既咪練緊歌, 突然大叫: "哎呀! 我隻牙鬆到唱唔到歌呀!", 哈哈, 天大既喜事! 隻牙終於要甩0刺!!

尋晚我地臨訓前仲玩用拳打甩隻牙, 妹妹認為今次只有爸爸可以幫到佢, 於是叫爸爸幫佢手, 但呢個唔係好方法啦, 哈哈!

如圖所見, 隻牙已經甩左大部份, 連牙腳都見到, 我都好緊張, 又腳軟(唔知點解最近咁冇用呢, 見到鬆0既牙都會腳軟..:P), 最後隻牙打橫左, 我唯有用手幫佢抆起隻牙啦, 成功0刺...

希望快D向前生啦!!!

Birthday buffet @ Yamm

已經好多年冇食過YAMM BUFFET, 記得質素唔錯, 又多選擇, 所以今次我都有啲期待呀...

呢個係泰式酸辣汁帶子, 特別之處係下面有個青檸梳打冰, 比你食完辣清新下, 都幾得意...

呢個係三文魚湯, 係WAITER逐枱派0既, 味道都OK...

YAMM繼續KEEP住多款式, 每一次會配合三隻蠔, 第一次攞0既好鮮甜, 奇怪第二次全部都冇味, 係咪因為我食左第二D野影响左味覺呢???

青口同三文魚都唔錯, 龍蝦冇味, 海胆有胆味, 我呢兩樣野都攞左兩次, 當比個機會佢啦, 但兩次味道都一樣, NO GOOD...

熟食方面有D都唔錯0既, 鵝肝, 羊架, MUSSEL, 盲糟同燒牛肉, 唔錯, 但盲糟同燒牛肉都係配合0既, 仲要切到支離破碎, 賣相差左好多呀...

今晚係慶祝我生日, 餐廳送每人一杯香檳, 呢杯香檳係我生平中最冇味0既香檳, 哈哈...

聽聞如果預早通知餐廰, 餐廳會送生日蛋糕一個架...

甜品時間: 未食甜品時覺得好似好多款咁, 但都真係要揀時原來又冇乜特別吸引, 下面幾款當中都冇特別可以推介的...

總括而言, 要$678 + 10%食呢個質素真係唔多抵, 朋友一致認為上次La Table仲好味呀!

第五十一屆學校舞蹈節

緊張左好耐0既跳舞比賽終於到0刺, 除爸爸外, 我地一家人專登遠赴屯門捧妹妹場, 妹妹加油呀!!

 

雖然老師之前已經話我知今次唔會有好成績, 因為我地全部都係一至四年級小朋友, 仲要小一生特別多, 但參加左個高級組, 同其他五六年級比賽, 預計成績都唔會理想... 不過老師話妹妹係好用心咁跳, 淨係聽到呢句我已經好滿足0刺, 呢個係一個好好0既經驗, 有冇獎係其次!

 

我攞左半日假, 準時走都怕趕唔切呀... 淨係港鐵到屯門車程就要一個鐘, 仲要搵路, 食飯, 好彩2:40就到屯門大會堂...

 

等埋老爺奶奶就入場0刺...

 

大會規定唔可以攝錄, 手提電話要關, 所以一張相都影唔到...

 

睇左四間學校0既精彩演出之後, 終於到我地0既"草原小騎手"0刺!!

 

唔知D小朋友緊唔緊張呢? 我就好緊張0刺, 好似自己有份演出咁, 哈哈!

 

基本上, 我只FOCUS响自己個女度, 估唔到, 妹妹又跳得幾好喎!

 

表演完我地就即刻去後台出面等妹妹, 原來妹妹跳舞時見到我同媽咪呀, 哈哈!

 

影完團體相, 到我影返D單人照先...



 

以為可以早早地返屋企, 點知返到屋企都已經6點幾, 屯門呢個地方真係好遠呀!

 

跟住去左老爺想試好耐0既雞煲皇食晚飯, 呢度真係又平又好味喎, 下次可以再食呀...

 

小學同學聚會@黃埔冒險樂園

今次聚會主要係因為同學仔ISABELLA要返英國,  幾個同學仔約出黎玩下, 妹妹好期待今次聚會, 連我原本安排0既歷奇王國都放棄呀...

 

冒險樂園下午1點前可以$120任玩機動遊戲同波波池, 又幾抵喎, 我地大約10點半到達, 都有兩個半鐘任玩...

 

總共有5個同學仔, 响波波池玩到12點, 佢地終於肯出去玩其他野0刺, 哈哈...

 

跳樓機, 總共玩左6次...

 



 

小火車...