奉基小學 - 做評估及買校服



離開STAFFORD之後, 我地急急腳搭的士去奉基小學做評估同買校服...

之前怕會趕唔切, 所以早一日先聯絡學校睇下評估要唔要補做, 學校話如果趕唔切就要另約時間再做, 幸好我地趕得到, 唔需要再請假返黎!

 

到左學校先去點名, 老師派左一本暑期作業比我地, 呢本作業妹妺一返到屋企就做, 除食飯沖涼, 佢由6點做到12點, 一口氣完成哂, 淨返兩頁留返去睇展覽後有照片再做...

 

 

仲有呢本家長輔導小冊子, 比我地呢D新手家長參考下..

 

 

入到學校禮堂就撞到CANDICE0刺, 好橋呀! CANDICE比我地早到, 佢地做完評估就响外藉老師度聽故事, 因為仲等緊其他學校0既回音, 所以佢地唔買校服住...

 

我地先搵老師做評估, 其實唔算係咩評估, 只係問左一D日常生活0既問題, 唔知點解妹妹都係好怕羞, 我坐响佢隔離都聽唔到佢講咩呀!!! 唉, 我終於都明白點解佢考唔到其他學校0刺... 嗚~~~

 

學校提供左兩間校服公司比我地 - 愛民 & 添記, 好彩嫲嫲响度, 可以比D意見, 最後我地決定响愛民買, 小學D校服真係好平, 校服同運動服各兩套都只係$430, 好抵呀! 

 



STAFFORD下學期頒奬典禮





今日特別為左參加頒奬典禮攞左半日假, 今次我地邀請埋嫲嫲出席, 見到個孫攞奬, 我諗佢都會好開心!

 

 

頒奬典禮响YORK禮堂舉行, 入到學校之後, 小朋友就跟老師去準備, 家長們就進入禮堂就坐...

 



等左一陣, 頒奬典禮正式開始, 首先由校長致詞..

 



 

然後逐個奬項頒發, 到UKA, UKB同UKC三班0既中文學科奬得奬者到台前, 到我地妹妹0刺!

 

好大個奬狀呀! 金光閃閃好靚!

 

今日除左攞奬開心之外, 仲可以再一次見到妹妺0既best friend Joey, Joey好忙, 以後唔會有好多機會見面, 大家將來要加油呀!

 

 

畢業禮時冇機會同老師合照, 好彩今日可以有機會影返..

 

Stafford個個主任老師都好好, 同學仔亦好乖好斯文, 慶幸妹妹响呢間學校讀左三年書..

 

 

 

 

亦恭喜得到好成績0既同學仔, 希望奬項能夠令小朋友响未來日子有鼓舞0既作用..

 

好榮幸可以出席今次頒奬禮, 為呢三年0既幼稚園生涯畫上完美的句號..

 

今日收到JOEY送比妹妹0既禮物, 係FROZEN筆袋同貼紙, 妹妹好鍾意, 我地會好好珍惜同好好利用架0刺!

 

 

奬勵

前幾日得到同事相贈的FROZEN公仔, 好靚啊!

 

不過一直都冇帶返屋企, 因為呢排覺得妹妹有D唔聽話, 似乎MISS JENNY講0既調整期真的出現了...

 

今日見妹妹有好成績, 一於攞返屋企奬勵下佢啦!

 

學期尾成績表

今日下晝做緊野時, 收到JOEY媽咪0既WHATSAPP, JOEY錄左MSG恭喜丹丹, 跟住就收到佢SEND黎0既相0刺...

 

 

睇左一陣先敢相信, 竟然妹妹攞到中文學科奬???

 

好感動! 呢三年, 我都冇強逼妹妹考試溫書, 每次都係求其溫下就算... 雖然呢個考試確實係溫多左, 妹妹大個左亦肯溫多D, 但都冇諗過攞獎呀!!!

 

心情尚未平伏, 再諗諗, 既然攞到中文學科獎, 可能今次有名次喎! 只有頭10名先會SHOW响成績表, 好期待!

 

妹妹電話黎0刺, 原來佢攞第五名呀! 真係恭喜哂呀!

 

有幸可以出席7月2日0既頒獎典禮, K3學期尾攞到獎, 真的特別有意義!

 

 

 

畢業証書

好興奮, 學校今日派發畢業証書, 返到屋企睇到, 真係愛不釋手!

 

班相中, 妹妹有幸坐响最前行中間位, 好搶鏡, I LOVE IT!

 

 

除左呢張大相, 學校仲晒左幾相証件相SIZE比我地, 咁我地每個屋企成員都可以有一張呀! 如果唔夠仲可以用學校附送0既CD再去沖晒, 真好!

 

 

珍貴0既畢業証書, 見到真的有點感觸~~

 



 

珍貴的禮物 - KOKKO & MAY

 

JOEY係妹妹最好0既朋友, 就黎畢業, JOEY要買定佢自己最喜歡0既漫畫書比妹妹做生日禮物, JOEY細細個就識對朋友咁好, 實在難得!

 

呢套漫畫可以學英文之餘, 又可以教導小朋友德育, 非常好呀! 好多謝您地呀!

 

萬眾期待的幼稚園畢業禮

四年幼稚園生涯話咁快就要完結, 做媽媽0既感慨萬分, 但似乎當時人就冇乜大感覺喎...

雖然未知分離係D咩, 但為左個畢業禮, 佢每日响學校練完舞, 返到屋企都起碼練兩三次, 真係好認真, 抵讚!

呢個小農夫0既裝扮係我好認真咁搵返黎架, 乎合學校要求又不會太boyish... 不過化粧方面, 我始終唔太接受到好濃妝, 化完出黎影相唔多覺喎...

12點帶左妹妹返學校綵排, 我同爸爸响沙田食個lunch, 再慢慢過去沙田大會堂等入場...

爺爺嫲嫲都好想去, 好彩我同學校爭取到多兩張入場劵, 如果唔係妹妹就難做了...

畢業典禮0既場刋...

 

我地都算幸運, 被編到第七行,  都算好前呀!

每班揀選一位代表接受校長頒發畢業証書, 我地班由柔柔代表...

三位代表分別用廣東話, 英文及普通話致辭..

每位畢業0既小朋友都有機會演出, 總共有11個表演項目, 好豐富!

除左小朋友, 老師都要表演, 真係辛苦哂!

等到頸都長, 終於到我地STAFFORD表演0刺! 我地有兩個表演項目, 第一個係WALTZ, 好華麗!

第二個項目, 係用兩首經典童謠作背景音樂... STAFFORD家長即刻舉機!

 

到妹妹表演0刺!  佢係最右面嗰個!

走位都中間...

 

 

 拍了短片, 但不太清楚, 好彩學校九月會比返D碟我地留念..

大家都跳得好好呀! 勁!

再到其他表演..

畢業禮完滿結束, 同朋友拍照留念...

臨走時見到好朋友...