木顏色

10/29

因為屋企有好多人地送0既顏色筆, 所以我呢個學期冇跟學校買, 都係木顏色啫, 帶返學校用咪唔駛浪費...

雖然大家都係LUNA木顏色, 但學校嗰盒係長0既, 而我地嗰盒係短0既... 妹妹話同學仔會問佢點解佢嗰盒咁短, 佢會答係媽咪比佢帶返黎...

仲有學校嗰盒係有一支黑色掃, 我地嗰盒冇... 不過我都堅持唔買長嗰盒比佢, 因為唔想佢養成樣樣要同人一樣0既心態...

直至.... 我地盒木顏色用到好短時候....

我就買左呢盒同同學仔一樣0既比佢0刺...

HELLO KITTY環保袋

10/27

今日妹妹响屋企搵一個HELLO KITTY環保袋, 搵左好耐, 搵到發哂脾氣, 但我冇印象有個HELLO KITTY環保袋喎...

到夜晚, 唔知點解佢浮左出黎, 原來呢個就係妹妹搵0既"環保袋"...

重陽節

10/23

今日約左大家去拜婆婆, 因為媽咪去左醫院見蕙姨最後一面, 今次拜山0既物品就由我負責...



大家約埋去北角食野先, 大熱高湯面, 終於有機會食到!!

基本上三款湯面同十二款點心就己經係呢間店所有食品, 我地六個人, 每人叫一個套餐(湯面+2個點心), 咁全部十二款就可以試0刺...



我比較喜歡豬骨湯0既陽春面, 好好味..



點心方面, 炸0既蝦丸最好食...

妹妹話以後放假都要黎呢度食, 哈哈哈....

上到歌連臣角, 等齊人都要一段時間, 拜完我地就同埋舅父一家去我屋企, 今晚食大閘蟹...

之前團購買左大閘蟹, 連埋今朝oceanthree送黎0既刺身, 我地再叫幾個炒野就夠10個人食...



新大眾大閘蟹, 講真, 佢話原價$88就冇可能, 但如果用$39黎計, 味道係可以接受0既, 不過以咁0既質素, 出年寧願就咁買好多...

互相奬勵

10/22

呢張係我整比妹妹0既貼紙奬勵咭...

今日妹妹又整左張比我喎....
不過我唔明佢寫咩, 只係知道佢想寫"如果....."

 

呼啦圈

10/21

早幾日買左個呼啦圈比妹妹, 努力左幾日佢終於轉到少少0刺...

蘭苑饎館

想試好耐....

碗老火湯, 望落都知真材實料...

南乳雙菇豬手煲, 豬手炆到好淋, 好好味...

沙茶牛展, 我覺得都幾好味呀!

科學館

9/30

一連四日假期裡面, 我plan左一日去科學館, 講左好耐, 今次終於都去到0刺...

朝早落街食完早餐, 返到屋企hea左, 成兩點幾先出發, 三點到達科學館...

好多野玩喎, 不過好似岩我同老公玩多d...

好多鏡, 好得意...

行左成三個鐘, 都只係行左一層, 餘下三層我諗要下次再黎0刺, 因為我好肚餓, 餓到胃痛了...

charlie brown cafe, 好耐冇黎過...

妹妹堅持要揀件有snoopy0既旦糕...

跟住陪老公去旺角試earphone, 點知間野今日早收, oh... 摸門釘添...

返屋企都7點0刺, map同姑姨婆都黎左做節...

大家都好飽, 再同妹妹切蛋糕, 妹妺今日農曆生日, 嫲嫲之前問佢知唔知中秋節係佢生日, 佢話佢知, 佢五歲0刺! 哈哈...

11點幾先去玩燈籠, 妹妹手渣住燈籠, 又戴住d螢光圈, 覺得自己好怪, 好怕人地眼望望, 哈哈...

和黃公園原來好多人架, 好彩有姑姨婆一齊玩, 妹妹玩到身水身汗呀...