長隆兩日一夜之旅- DAY 1

9/8

今日要好早起身, 妹妹唔係問題, 有得玩, 佢一叫就會彈起!

去中港城食個早餐然後去搭船...

來回我都選擇左搭船, 雖然行程有啲局限左, 但有老有嫩始終舒服啲...

搭船時, 我地好眼訓, 但妹妹就好精神喎, 兩個幾鐘冇訓過...

到步後, 我地搭的士去星河灣酒店, 因為趕住放低D野然後去白老虎餐廳食BUFFET...

BOOK左位, 餐廳果然留返D好位比我地, 可以好清楚咁睇老虎...



不過好彩早D去, 食左一陣, D老虎開始懶洋洋0刺...

 

D野食都唔算差, 生蠔算新鮮, 仲有三文魚腩揀呀!



妹妹當然要食佢至愛0既燒鵝啦...



食食下, 呢位可愛0既妹妹走左埋黎, 佢望望下, 然後用手指掂一掂妹妹0既燒鵝, 又LAM一LAM手指, OMG! 真係咩人都有!



嘩, 好少有得成支雪糕比你食哂, 你就開心啦!



同卡通人物影下相...



鱷魚肉湯, 味道不錯, 妹妹唔肯飲, 我岩岩喉嚨不太舒服, 就比我飲哂佢啦...



食完野我地就趕去動物園, 我地有大約4個鐘頭時間响動物園...

酒店入面0既假老虎, 妹妹有D驚喎...



同老人家去有一樣野唔好, 就係成日要等, 好慢好慢, 又樣樣都問價錢囉, 連搭SHUTTLE都問駛唔駛錢...

到0刺, 我地買左動物園+大馬戲0既入場劵...



長頸鹿...



買左顆葉, 點知妹妹太細力, 比長頸鹿搶左...



妹妹好失望, 唯有再買比佢...



好多ELEPHANT...



老虎表演...



老虎游水...



動物幼兒園, 小白獅好得意...



馬騮仔成個老人精咁0既樣, 但好百厭, 好得意...



貓頭鷹, 我諗起HARRY POTTER...



好彩爺爺有去, 可以分担下...



行下抖下, 錯過左搭小火車, 咁就睇少左半個動物園0刺...

有時間淨, 行埋侏羅紀, 妹妹由頭到尾伏响爸爸膊頭度, 一眼都冇睇過...






跟住我地就離開動物園, 出發往大馬戲...

馬戲7:30開始, 我地6:10到, 最好0既位置都己經比人霸左0刺, 不過我地個位都唔差0既...

妹妹訓左, 我地要呆坐個幾鐘等開場...

好奇怪, D動物究竟點訓練出黎? 讚歎之餘又戥佢地可憐...





幾架電單車响入面一齊飛車, 好危險啊...



呢個真係好高難度, 仲要蒙面, 又跳繩, 你地唔好有事呀, 你地有冇屋企人呀?



成萬人離場, 我地行左一段路先搭到的士, 去到漁米之鄉佢地差唔多關門, 我地唯有過對面祈福食野, 但其實嗰度冇乜好野食...

求其食D野, 買埋甜品返去酒店食...

酒店房好大, 張床又有八呎咁大, 好舒服呀, 冇BOOK錯, 妹妹都好開心!



酒店送0既朱古力, 味道如何就要問妹妹0刺, 因為全部都係佢食哂...



諗住我地三個人訓, 怕妹妹驚所以唔敢熄電視, 點知電視原來播緊D怪獸片, 妹妹又要睇又訓唔著, 最終都係過左嫲嫲度訓...

攞回鄉咭

9/2

今日同妹妹攞左回鄉咭, 好開心!!!

然後我地去左CALIFORNIA PIZZA食LUNCH, 原因係爸爸可以無限添飲凍0茶, 哈哈哈...

依然係咁好味...


 

發現有個兒童餐, $58咋, 勁抵呀!

 

路經西洋菜街, 好多攤檔, 其中一個係香蕉雪條做PROMOTE, 隻馬騮同大家影相, 都唔明點解咁多人爭住影, 小朋友就話貪得意啫, 但係大部份都係大人囉...

之後我地搭車去大古古屋企, 大古古新屋比以前新淨好多, 舒服好多呀... 個廚房都靚好多!!

再到春夏秋冬打邊壚, D野食都算OK, 豬骨好好味, 妹妹都食左好多野呀!! 竟然8個人只食左$8XX, 超抵! 有下次!!!

新鞋

9/2

尋日PLAN左唔去街, 只會落街做D濕碎野....

奶奶全日响屋企, 妹妹不如唔好去啦... 不過妹妹唔肯呀, 點都要同我去, 我坐响梳化, 佢用對腳宅住我對腳, 唔比我走, 哈哈....

响屋企附近搵緊整鞋0既舖頭, 路經一間童裝店, 有好多鞋賣喎, 睇下先.... 我揀左一對, 前面有隻大蝴蝶, 跟住妹妹又自己揀左一對, 哈哈, 紅色, BLING BLING, 真浮誇.. 兩對都試下, 妹妹梗係話鍾意自己揀嗰對啦, 不過, 又真係呢對岩腳形D...

買完之後, 妹妹要自己攞住, 返到屋企, 竟然唔係即刻要求開芝士波食, 係即刻開對鞋黎試著... wakakakakaka....

嫲嫲買野返黎, 妹妹即刻攞出黎著比嫲嫲睇, 爸爸返黎又著多次....

今日同佢去街, 預左佢一定會著呢對鞋啦, 所以, 我幫佢準備左套衫黎襯...

著住對鞋, 响屋企行行下, 跳跳下, 突然跌倒, 妹妹起返身, 好緊張咁望住對鞋, 望清楚有冇甩左D石...

返到屋企, 竟然好有手尾咁將對鞋放返入膠袋再放入鞋盒喎, 奇景!!!

三個六, 返大陸

9/2

今朝同妹妹玩飛行棋, 我擲到三個六, 唉... 返大陸...

唔開心! 點知妹妹同我講:"咁都冇計架啦!"

搣蝦殼

9/1 (終於寫到9月0刺, YEAH!)

有時妹妹都唔係咁公主啫, 佢自己堅持要自己搣蝦殼, 仲要搣埋比我地呀!!

相反, 爸爸就好緊張佢會比蝦頭拮到...

菜茶

8/25

隔離屋陳太有時煮左野會比D我地食, 呢個係佢家鄉野 - 菜茶, 我第一次食, 好好味呀!!!

K2的第二天

8/14

明明星期五晚我清到只有32個UNREAD E-MAIL, 唔返一日, 又有274個, 真係呆左呀...

好沮喪, 究竟幾時先忙完呀...

仲攞左2.5 HOURS去接妹妹放學, 內心極度掙扎, 究竟走好定CANCEL假期好?

最後.... HEHEHEHEHE... 我都係走左呀....

妹妹見到我好開心, 佢好似唔記得左我應承過今日都接放學...

見到同學仔响PLAYGROUND玩, 妹妹又要一齊玩, 但係.... 真係好熱....

熱到塊面紅哂... 我唔玩, 其實都一樣紅哂...

又要行一大段路去又一城搭車, 溶了....

問妹妹寧願搭校車唔駛熱定係媽媽接但要熱住行好耐, 妹妹仍然寧願媽媽接.... OKOK, 下一次會係妹妹生日....

真係橋, 老公都放工了, 佢幫我去放電話, 唉, 無厘頭我個mon又會有兩條花痕, 賣低左$250.....

其實有少少唔捨得部4S, 因為佢影相真係明顯好過S3架...

我今日只食左個杯面, 一路做野食杯面真係方便好多, 我都要再入貨先得呀...

好肚餓, 返到屋企整左燒賣同粟米食, 再食埋朱古力, 成個人飽哂...

一家人討論左好耐, 終於去左星洲名廚...

聽聞佢地都好多人幫襯, 所以我地打去BOOK定位...

肉骨茶, 有D藥材味, 但妹妹都肯飲喎...

海南雞, 有少少血, 但D肉都幾滑, GOOD

串燒, 好味...

香茅豬扒, 都係招牌菜, 果然係好好味喎... $35有咁大碟...

羊扒椰醬飯, 呢個比較遜色, 乾左D....

大家都食得好開心, 又平, 埋單$287咋...

再過隔離豬仔甜品...

 

P.S. 返到屋企, 奶奶話今朝妹妹同佢講媽媽會湊佢放學, 嘩, 好彩我冇留响公司做野咋...