謝老師來電

7/14

謝老師今日打黎, 我一見到係學校電話號碼又即刻敏感起黎0刺, 個腦又浮現左阿女跌親0既畫面…

 

原來謝老師只係話我今日比佢張通告冇TICK去唔去家長日咋, 哈哈, 等我又嚇餐飽…

7/12 進度

7/12

尋日阿鋒開始整水電0刺, 我地新屋0既裝修就係咁開始左!!

到月尾只係得3個星期, 真的趕得切???

今日阿蟹CALL我, 問我舖磚0既地腳線有幾多吋, 佢D柜要預埋...

魚旦仔話要舖完磚先知, 嘩, 又要等多兩日先做得0刺!!

返唔切, 返唔切...

7/11

今日魚旦仔打黎, 佢話廚房枱面趕唔切入伙, 房間都趕唔切啊! 

住住先啦! 都冇辦法....

老公今日好早放工喎, 去左旺角睇洗手盆柜, 不過到我出到去, d舖頭都差唔多關哂0刺.... d款普普通通, 是但一個都冇乜所謂...

充實的星期日

7/10
今日好忙呀!!!

先先同妹妹去游水水, 妹妹可能嫌悶, 去左兩次廁所喎...

游完水要趕去紅磡同魚旦仔傾野呀, 不過落大雨, 忟爆, 成身濕哂, 仲有... 我對新鞋呀.... 返到屋企先發現對鞋甩哂色落對腳度呀, 嬲!!!

我地响隊道等左好耐都未停雨, 最後要麻煩奶奶攞遮黎比我地..

妹妹好肚餓喎, 又要買d野比佢食, 再响大埔火車站度去兩次廁所 (又去兩次!), 攪度人地等左我地好耐呀...

上到去, 傾好左廚房點整, 小強好專業, 比到好多意見, 魚旦仔搵佢整野真係冇錯呀!!

咁細個廚房佢都可以攪得掂, 勁呀!! 其實因為怕我唔夠高煮飯(難道要著高跟鞋煮嗎? 哈哈!), 個廚房要整L型, 空間少左好多啊!!

電掣都同阿鋒諗好哂0既...

天氣好熱, 新屋又污糟, 沙塵滾滾, 妹妹好攰, 佢話要落去sir sir0個度訓覺, 咁都比你諗到??? 當然落到去唔係訓覺啦, 玩左一陣sir sir我地就要上返去傾埋少少野...

跟住去旺角買磚, 我地買左木紋磚, 全屋地磚+地腳線 (唔包廁所廚房) $6373....

反轉頭去黃埔和光食飯, 今次係慶祝阿鋒同winnie生日, winnie話想食日本燒肉, 咁和光都算平靚正的!!

冇12人0既枱, 我地要分兩張枱坐...

嘩, 好多野食呀!!

不過隔離枱因為有d點菜0既紙冇左, 咩牛肉都冇點到, 好彩最後佢地見到我地有咁多野食有點返, 如果唔係就真係唔抵0刺!!

p.s. 妹妹對手0既濕疹嚴重左呀, 我諗都唔好再帶佢去新屋0刺...

應該..好似...

7/9

呢排妹妹講野多左好多字眼... E.G. 應該... 好似... 我覺得... 我諗.... 可能....

好得意呀!!!

終於可以OT了...

7/7

呢排要攪間屋0既野, 日日都冇乜心機做野, 今日終於可以OT到9點, 清左好多野呀!!!

老公話想去DSC再睇多次張梳化, 因為突然怕太大張喎... 再度之下都還是可以接受0既...

今晚又11:30先返到屋企0刺, 妹妺因為冇哂尿片, 嫲嫲用左游水片頂住先 (哈哈! 咁都諗到??), 到我地返到屋企時, 原來妹妹己經賴到一床都0刺, 原來游水片係呃人架, 吸唔到水架!!

DSC大購物

7/6

原本大家都正考慮海馬0既油壓床 (平靚正!!!), 點知今晚同老公行左DSC, 買五件傢俬再有75折, 好吸引呀!!

最終一次過買左兩張床, 兩張床褥, 同埋一張梳化... 老公睇中左張曲尺梳化, 寧願放棄一直計劃0既梳化床喎...