冬季校服

11/22就要著冬季校服, 不過D校服到而家都未齊, 今日去學校攞埋件校褸, 仲差頸巾未到...

冬季LOOK....

氣管敏感 + 鼻敏感

妹妹由返學到而家只有幾日係完全冇病, 好陰功呀!!

上星期有幾日都好好, 冇鼻水又冇咳, 但到上星期五, 朝早起身又狂流鼻水0刺, 星期六朝早仲發燒添...

樓下胡少文睇左好多次, 藥都食到馴哂啦... 今次改睇李山河...

星期三map姑姐特登山長水遠入黎大埔接妹妹放學, 再帶埋妹妹去睇醫生, 李山河話妹妹鼻敏感+氣管敏感, my god!!

妹妹連續幾晚都狂咳, 食左李醫生0既氣管藥好好多, 不過李醫生d藥水0既份量好多, 隻隻都飲5ml, 好勁呀!! 不過飲完都有好轉...

今日第二次睇, 我叫嫲嫲幫手問多d (我係問題少女, 最鍾意睇醫生時咩都問下..), 李醫生話妹妹氣管較弱, 係先天0既 (

又試遺傳左媽媽0既弱點), 唔開心!!

我細個有哮喘, 一直都驚會遺傳左比妹妹, 希望日後小心d, 妹妹會健康d啦...

陳主任今日打比我問候妹妹, 佢話妹妹真係枕住病, 建議之後比佢飲多d中藥0既湯水調理下, 例如鱷魚肉煲湯... 同事就建議食對氣管有幫助0既蜜糖...

下星期凍0刺, 要加倍小心照顧妹妹先得呀...

契女出世0刺!!

今日我第一個契女Tiana出左世0刺, amanda planned聽日開刀, 點知契女要早一步, 趕住出黎同媽媽同一日生日, hehe... 好得意!!

祝Tiana活潑可愛, 快高長大, 最緊要身體健康!!

頂唔順, 真係好攰...

妹妹由星期五開始病, 由星期六晚開始狂咳...

日頭都冇事, 夜晚一訓著就開始咳, 佢好容易咳到嘔, 佢一咳我就醒, 幫佢掃掃背脊, 又睇下佢有冇嘔, 有冇副被...

如是者狂咳左兩晚, 我好似冇訓過咁, 星期一返到公司, 一見到D字(e-mail)對眼就好想合埋, 真的好眼訓...

唔知係咪放左三日假, 妹妹又開始夜訓0刺, 尋晚佢又唔肯訓, 11點飲奶, 12點幾都未訓到, 仲要周圍玩, 同一本書睇三次... 我响氹佢訓0既途中就己經訓著唔知幾多次...

最後嫲嫲攪掂左佢, 但繼續狂咳, 嫲嫲抱走左佢照顧佢, 我終於有覺好訓0刺...

妹妹你快d好返啦!!

可怕的地方- 冒險樂園

星期日因為冇去創價INTERVIEW, 我地响大埔活動… 太太流鼻血, 妹妹跟嫲嫲去左黃大仙睇一睇佢, 不過好快就返左黎…

 

妹妹著對對鞋都話痛, 可能頂趾了 (實質度又好似未頂喎), 當務之急係去大埔中心ADIDAS買過對返學運動鞋…

 

6:15出發, 先攞D衭去改...

 

妹妹要彈兵乓波, 跟住行去新開0既CAKE SHOP, 撞到阿LU, 佢地D CAKE又幾好味喎, 有D九龍城FEEL…

 

妹妹一去到大埔中心就話要去樂園(冒險樂園), 我都知走唔甩架0刺, 冇所謂, 買完鞋去玩一陣先食飯啦…

 

去到鞋舖, 我拎起對鞋, 妹妹好快話:”唔好!!”, 我拎第二對, 佢都係話唔好:”去樂園啦!!”

 

去左樂園先都冇所謂0既, 橫掂都係响隔離啫…

 

玩完兩個保齡球, 得返一個金幣, 比妹妹掟彩虹, 又比佢掟中左20張票喎…

 

叫妹妹走, 佢當然冇咁順攤啦, OK, 响戶口攞多10個金幣 (我同爸爸都分別開左戶口呀!)…

 

玩最後一樣野時, 我好鄭重咁同妹妹講:”玩完呢舖就走, 好嗎?”, 妹妹答:”好呀!!”

 

其實睇得出妹妹跟本就冇心機玩, 又唔投入…

 

係時候走0刺, 妹妹仲要求玩掟籃球, 媽媽爸爸當然唔掣啦…

 

妹妹開始扭計, 我同爸爸都唔理佢, 自顧自離開樂園, 妹妹就响度大喊, 又要追住我地, 又要顧住想入返樂園, 佢呢個唔知顧得邊樣0既傍徨樣, 其實都幾攪笑…

 

周圍D人都笑妹妹, 包括隔離南風閣餐廳0既姐姐, 路過0既倒垃圾嬸嬸, 同埋其他路人…

 

妹妹不停喊住話:”玩多一陣!!”, 媽媽心軟, 同佢講真係玩多一舖咋喎, 然後攞多左10個金幣…

 

點知, 玩完一個掟籃球, 佢又要玩隔離0個部相同0既掟籃球, 妹妹, 你係咪玩野??

 

冇得玩又黎狂喊了… 剛剛有路過0既叔叔望住佢, 我就話:”連叔叔都笑你呀!”

 

知醜呢! 妹妹突然話要去洗手間, 想呢埋之後當冇事嗎?

 

OK啦, 就去洗手間啦, 洗手間响樂園隔離…

 

入到去, 妹妹仲有少少喊, 我諗住同佢洗下手…

 

點知, 剛才南風閣0既姐姐同倒垃圾0既嬸嬸都响廁所裡面喎… 一個話:”嘩! 你仲喊緊呀?”, 另一個又話:”玩完就算啦, 下次再玩過嘛!!”

 

嘩! 咩事? 呢D係咩人? 妹妹頭先太激動, 一定留意唔到呢D人啦…  無端端又比人話, 於是响廁所又嚎哭起黎…

 

出到廁所, 我抱起妹妹向波鞋舖方向行, 妹妹一路扭, 直至入到鞋舖先收聲 (因為鞋舖人多, 佢都幾要面架..)…

 

佢一定係覺得好委屈啦, 仲索緊… 姐姐問咩事, 我話比姐姐聽, 佢又好慘咁喊起上黎, 都係我衰, 唔應該周圍唱你0既…

 

糾纏左咁耐, 原來己經9點幾, 大家飯都未食, 又冇帶片, 妹妹玩到漏尿, 呢HEA到爆…

 

以後見到冒險樂園, 都要運路走!!

老人痴呆....

尋晚妹妹咳左成晚, 我都冇覺好訓, 所以今朝大家差唔多成11點先起身...

食完早餐, 攞創價封面見信出黎諗住PREPARE下有咩帶, 弊!!!!! 點解封信打11:00AM0既? MY GOD!!!! 當時已經12:30!!!!

打去諗住博下學校會接受我地下晝去, 哈哈, 當然失敗啦, 人地幾千人申請, 多你一個唔多, 少你一個唔少, 你唔黎仲好添呀....

唉, 創價係我都幾想入0既一間幼稚園, 雖然知道根本就冇可能入到 (舊年有6千幾人申請, 今年應該更多吧...), 但都諗住盡下力, 做得幾多得幾多, 點知..... 唉~~

究竟我近排發生咩事???

民生幼稚園INTERVIEW

尋日妹妹一早起身就狂流鼻水, 猛打乞痴, 慘0刺, 似乎又病0刺...

但下晝再奶奶, 奶奶話佢冇野喎!!

到夜晚我放左工, 佢先打黎話妹妹不停流鼻涕, 哎呀! 已經變成鼻涕0刺, 大鑊0刺!! 奶奶叫我返黎同妹妹去睇醫生, 吓! 但我要同AMANDA慶祝生日喎, 於是李智恆叫左奶奶去...

今朝一早, 妹妹有少少燒, 我決定放棄金巴倫INTERVIEW, 橫豎都係後備, 算啦, 比妹妹休息多D, 如情況許可, 下晝都去民生啦...

今日亦都係妹妹學校秋季親子旅行, 就算唔係要INTERVIEW, 病左都一樣冇得去... 我幫妹妹打返學校請假...

妹妹都算精神, 不過我就好忙, 因為不停跟住佢幫佢抺鼻涕, 好攰呀...

趁妹妹訓晏覺, 仲用左個幾鐘作民生篇問卷, 未作完妹妹又醒左0刺, 今次係要疴臭臭, 兩日冇疴, 今次疴得好辛苦, 慘....

起程去民生, 民生校舍好大, 佢地安排左D童軍帶我地, 好好秩序, D童軍細細個(小學)就好定, 老師D態度又好, 我對呢間學校印象好好...

整個過程大約40MINS, 大部份時間都係玩玩具, 期間老師逐個同小朋友玩同傾偈, 妹妹唔識玩0個個比較特別0既積木, 其他對答就一般啦...

IN完就同妹妹去左寨城公園玩SIR SIR, 妹妹好鍾意玩0個D好多通道0既SIR SIR, 我跟住佢去到尾又唔可以同佢一齊SIR, 但行返轉頭落返去佢又已經SIR左落去走鬼埋, 比佢自己一個行埋成個SIR SIR又怕比D哥哥跑黎跑去撞倒, 真係太危險0刺!! 都係返去廣福公園玩好過...