放了一日假

今朝一早同左妹妹去那打素醫院覆診, 出世之後健康院話妹妹大脾骹位鬆, 諗起0個陣個心情都仲記憶猶新, 真係晴天霹靂, 覺得點解咁唔開心0既事會發生响我咁得意0既妹妹豬身上, 醫生話妹妹有機會要戴個cool一段時間, 我最終都忍唔住响姑娘面前喊左出黎, 仲要姑娘安慰添....

之後我地聽私家醫生建議, 幫妹妹"鴨"多一條片, 半年後再照超聲波, 妹妹舊大脾骨終於生返好, 但政府醫院繼續keep check住, 幾個月返去覆診一次.  好開心, 今日照過X-RAY, 醫生話兩邊骹位都生得好好, 唔駛再覆診0刺!!! 媽媽又放下左一舊心頭大石!!!!

好後悔妹妹出世時只係攞左一張出世紙, 原來好多時都有用架, 所以趁今日放假下晝叫左綺玲契契陪我去攞多兩張!!

去水腫食物

岩岩响人地0既blog度搵到以下0既去水腫食物, 岩哂我....

8大去水腫食物

●蘋果
水溶性纖維質果膠，可解決便秘、下痢，有助於代謝掉體內多餘鹽分，而蘋果裡所含的「蘋果酸」可代謝熱量，防止下半身肥胖。

●木瓜
吃了太多的肉，脂肪容易堆積在下半身，木瓜裡的蛋白分解酵素、番瓜素，可幫助分解肉，減低胃腸的工作量，讓肉感的雙腿慢幔變得更有骨感。

●西瓜
清涼的西瓜，擁有利尿元素─基酸檸檬黃素，使鹽順利隨尿排出，對膀胱炎、心臟病、腎臟病也具療效。

●奇異果
奇異果含的維他命C很多，它的纖維素含量也相當豐富，纖錐吸收水分膨脹，可產生飽足感。此外，水果纖維能增加分解脂肪酸素的速度，避免過剩脂肪讓腿部變粗。

●薏仁
在《本草綱目》中記載，薏仁味甘，微寒，可健脾益胃、補肺氣、消熱、去風、去濕，具消水腫的美容功效。

●芹菜
含有大量的膠質性碳酸鈣，容易被人體吸收，補充筆直雙腿所需的鈣質。芹菜對心臟不錯，又有充沛的鉀，可預防下半身浮腫的現象。

●蒟篛
零脂肪的蒟篛，含0.1％的蛋白質、7.4％的水以及豐富的纖維和鈣，可以使下腹部淋巴腺流通順暢，防止腿部變得肌肉鬆垮。 

●紅豆
紅豆在中醫的理論中有利水、消腫的作用，適合長時間坐辦公桌或久站者造成腿部浮腫者服用，紅豆湯也是中醫常建議水腫患者吃的藥膳。

另外, 亦有人話食多d含有鉀0既食物亦可以幫助去水腫, 水果中, 香蕉就含有豐富0既鉀質 (450mg), 牛奶有370mg, 蕃茄有275mg.

呢幾日我咁岩都有食香蕉做早餐, 等我繼續一段時間睇下有冇效先!!!

 

復活節假期四: 足不出戶...

昨日我們決定留在家中休息, 難得妹妹可以有一天是足不出戶的...

妹妹在這個假期突然有了很大的進步, 糖糖, 湯湯, 飯飯都懂了, 很多時都跟我地說話, 還懂唱ABCDEFG, 不過FG是不準的, 超可愛!!!!

在旁觀察妹妹玩FLASH CARD, 說起來都蠻內疚的, 因為很多FLASH CARD都是買了回來給妹妹自己玩, 我並沒有在旁教她, 所以並沒有什麼期望她會學懂些什麼.... 昨天在看她, 發現她的記憶力都是超強的, 她看到一個H便說馬, 然後自己將FLASH CARD翻過來, 果然是隻馬!!! 然後扮貓叫, 再拿起一張C, 翻過來果然是隻貓!! 真神奇呀!!!

照常12點前便給妹妹喝奶睡覺, 喝完奶又照常唱歌, 唱了一會妹妹便睡了, 妹妺一睡著便開始咳, 越咳越厲害, 好像有點不對勁, 於是我開燈看看, 發現妹妹正在嘔, 原來她嘔到頭髮和枕到都濕了, 很心痛, 她是不是不舒服呢? 我立即打電話出廳給爸爸 (很奇怪, 要打電話, 哈哈), 叫他幫忙拿濕毛巾和衫給我, 妹妹是一直都睡著的, 只是叫了一兩聲, 我很担心, 所以整晚都睡不好, 怕她嘔, 怕她呼吸有問題(因為有時會聽到她呼吸時有聲, 不知道是痰還是什麼), 怕她冷倒, 怕她有哮喘, 十萬個怕怕怕....

直至6點多, 妹妹再要喝奶, 喝完奶又咳, 不過今次沒有嘔, 到10點多醒了之後, 妹妹就沒有咳過了, 一點病的跡象也沒有, 奶奶提議給保嬰丹妹妹喝, 希望喝完之後會OK啦...

復活節假期二: BB聚會二

今日中午先去旺角富臨同雅兒姨飲茶, 佢地仲有個朋友黎左, 佢朋友帶左兩個仔女黎, 個女有同妹妺玩, 都幾FD架! 妹妹食左牛肉同燒賣, 一路食一路UN下UN下, 真係服左佢! HEHE....

跟住約左AMANDA同EDDY响先達VAN仔站等, 齊齊出發去阿敏屋企, 我地响街市買左D邊爐野就上去, 妹妹一去到已經自己走黎走去搵玩具玩, 哈!

契媽買左個雞雞音樂玩具比妹妹, HEHE!! 好得意架, 多謝契媽!!!

妹妹可能因為兩日都訓唔夠, 下晝只係訓左半個鐘, 體力唔夠所以成日發生意外, 今日响阿敏屋企又整親兩次, 不過兩次都冇乜事, 妹妹成日都痴住我, 攪到我周身唔得閒, 不過我都應該珍惜呢個時間0既, 遲D佢要獨立你想佢痴住都幾難LU....

突然B仔打黎叫恆仔出去飲野, 攪到我心情突然好DOWN, 我又唔應該唔比佢去, 因為佢真係冇乜自己去街, 但諗起佢一定飲醉返黎, 然後呢個假期就成日好似好眼訓好攰咁, 真係咩MOOD都冇咋.... 我係控制唔到自己個樣唔好咁衰, 係我唔好, 希望奇蹟可以發生, 我寧願跌眼鏡....

復活節假期一：bb聚會

尋日係假期o既第一日，我同妹妹參加左個bb聚會，認得識左兩個朋友仔，一個叫屁屁，細妹妹兩個月，一個叫boy boy，細妹妹兩日，妹妹突然變左大家姐呀！


開頭去到妹妹好怕羞，因為個個都好陌生，後來落到去club house，玩sir sir, 騎馬同車車，仲有jenny買o既保齡球，玩到癲哂，好開心，好唔捨得離開添！



上返樓大家休息下先準備食飯，妹妹突然拎住屁屁個水樽，開左跟住拎比屁屁飲，屁屁又飲喎，跟住妹妹仲細細力拍下屁屁個頭呵佢，又攬住佢，好家姐咁，好得意呀！

屁屁都好得意架，肥嘟嘟，因為日日返托兒所所以好守規則，食餅餅識坐o係度舉手，好可愛呀！

今日妹妹發生左兩次意外, 一次企响度突然都可以跌低, 仲要昅親個咀唇流左少少血... 第二次就係响酒樓, 契媽同佢行行下撞左個咀落張椅度, 又係左邊眼眉0個個位, 即時腫起一舊, 真係多災多難呀....

驚恐一分鐘

今日阿敏約左我地去沙田行街同去公園玩，妹妹玩得好開心！

最後一站我地去左大埔中心dinner，我地去到shakey’s pizza，阿敏負責拎飛，我地就慢慢向前行，老公走埋黎問我有冇野岩妹妹食，傾完兩句我地就繼續行，老公發現妹妹唔見左，原來佢冇望住妹妹走左過黎問我野。

我地即刻衝前搵，唔見又即刻向返後搵，我周圍望下兩邊店舖但都冇妹妹o既蹤影，好驚好驚！終於o係差唔多盡頭見到妹妹，我衝埋去佢都撲埋我度··

雖然係短短一分鐘，但個心真係跌左出黎，呢一分鐘係我人生中最驚恐o既一分鐘，而家諗起個心都仲卜卜跳呀！

協康會PLAYGROUP的第一課

今日係妹妹返協康會PLAYGROUP0既第一日, 由今日開始為期7個星期, 好扺, 夾埋媽媽入會都係820蚊, 同出面好多PLAYGROUP相比真係平好多...

協康會平日係為一D特殊小朋友服務, 係星期六先有正常小朋友0既PLAYGROUP, 因為價錢平, 口啤又唔錯, 我冇特別考慮就決定左返....

妹妹今次返PLAYGROUP比上次响DR. POON度時好D, 坐得定左少少, 有時都會留心老師講咩, 我地大約8個小朋友出席, 由一位姑娘帶住, 仲有一個嬸嬸幫手...

2:45開始每位小朋友可以揀一樣玩具自己玩, 到3點鐘就要正式開始, 妹妹揀左個電話玩具, 玩左一半就唔想玩, 到3點鐘, 要將d玩具放入個籃度, 妹妹好乖, 即刻放, 有進步喎!!

跟住張姑娘同大家唱歌, 呢幾個星期0既主題係春天, 介紹太陽, 花花, 草草比小朋友認識, 張姑娘有時扮到古靈精怪咁, 妹妹都比佢引到笑, 妹妹似乎比以前投入左少少...

跟住玩樂器, 妹妹攞左搖鼓, PLAYGROUP教小朋友規則, 例如聽到音樂可以開始玩, 音樂停就要放低樂器等等, 妹妹當然唔識啦, 媽媽在旁都會講解下.... 玩完之後小朋友要自己攞返d樂器出去, 妹妹都ok喎!!!!

跟住每個小朋友有一個膠籃, 出面有三個大膠盒, 裝左好多花花, 通粉, 積木, 波波, 小朋友要揀d花花放入自己個膠籃度, 呢個係教小朋友認知0既...當然有媽媽幫手啦, 不過妹妹似乎明白我講咩咁, 淨係揀d花花放落籃, 妹妹好叻叻呀!!!

玩完之後我地排隊去洗手, 返黎再玩大肌肉小肌肉0既運動, 我地排隊行經過幾塊膠墊, 然後再行過一D高高低低0既膠墊, 再捐過一個漲幕仔, 行上兩級樓梯再SIR個滑梯, 最後就去到一張枱度搵返自己個膠盤張入面一隻碗0既米用匙羮畢落個膠杯度, 完成....妹妹响音樂停之前完成左兩個ROUND.....

然後張姑娘分左D公仔比小朋友, 妹妺揀左佢0既至愛 - WINNIE THE POOH!!! 然後跟住張姑娘圍住張枱行, 音樂開始就行, 音樂停就停....

最後就做勞作0刺, 我地有個膠杯, 有兩條顏色膠紙做裝飾, 然後放一塊棉花入去, 倒少少水, 再放d豆豆入去, 呢個功課係要種豆豆, 每日倒少少水入去, 兩個星期後睇下有咩成績.... 哈哈, 估唔到playgroup都有功課做喎!!!

呢個playgroup好充實, 短短75分鐘做左好多野, 呢d野全部都係為入讀幼稚園而作準備, 响冇乜期望之下有咁0既收穫都幾滿意...

返學前我地途經左三次有sir滑梯0既地方, 每次妹妹都有講"sir sir", 因為趕住返學, 我唯有同佢講放左學先同佢玩, 佢都好乖咁同公園拜拜, 完全冇扭計, 放左學之後, 我當然守信用同佢去玩啦, 佢去到公園好開心, 玩左一陣我地就搭的士返屋企0刺....

可能太攰, 佢一返到屋企就訓左, 所以我先有時間打呢篇咁長0既BLOG咋, HEHE....