尋晚阿妙都係好準時, 每隔兩個鐘頭起身一次… 每次飲完奶換完片都好乖咁訓返, good girl!!!
今日發現阿妙又識多左樣野0刺…就係扭換片0刺… 今朝抱佢都喊, 我誤會佢係想飲奶, 點知佢飲左少少就停左, 又繼續喊, 於是乎我就睇下佢條片啦, 嘩! 原來疴左屎屎喎, 拿拿淋幫佢換, 一除左條片佢就即刻唔喊0刺….
爸爸今日去覆診, 聽日可以返返工lu… 以後爸爸就唔可以全日同阿妙玩, 真係好唔捨得架…唔緊要啦, 放工就即刻返黎陪阿妙啦!
2008年10月6日 星期一
2008年10月5日 星期日
牛叔牛嬸 + 教友探訪
尋晚妹妹好準時, 每兩個鐘醒一次, 今朝我突然訓0係張床度覺得天花板轉下轉下咁, 唔通開始病???
因為huggies尿片用哂, 呢兩日開始用朋友送0既pampers初生寶寶, 唔知係妹妹身型唔fit呢隻尿片定係原本呢隻野就唔好用呢, 妹妹d屎成日漏到上背脊, 尋晚半夜真係嚇親, d屎仲要高左塊片, 換片之餘又要幫妹妹抺身同換衫, 好攞命呀~~~
今日牛叔叔同牛嬸嬸一家四口黎左探我地, 冇見一排牛女突然大個左好多, 牛仔都四歲0刺, 我地距離呢個階段仲有好遠好遠0既路.....
牛家走後, 就到教會朋友0刺... 鏗叔, 阿鳳, 阿畢同蔡俊賢黎左, 影左好多相呀...
2008年10月4日 星期六
2008年10月3日 星期五
2008年10月2日 星期四
2008年9月30日 星期二
妹妹就黎有名架0刺!!!
唔知係咪尋日多人黎睇妹妹, 佢尋晚冇再扭計唔肯訓, 到今朝8點先開始唔訓, 阿媽幫我睇住咁我又可以訓多幾粒鐘....
ming哥改左名返黎0刺... 叫李雪婷.... 呢個名好似我地呢輩0既名, 我怕用响妹妹呢一代身上會有d老土呀... 我決定再諗一d再問ming哥....
2008年9月29日 星期一
好多人黎探妹妹呀!!!
今日真係好忙呀! 但好開心! 因為有三堆人黎探妹妹!
首先朝早11點有rachel, Panther, 仔仔, Steven, Una, Cory, Zoe & 佢老公, Rachel個仔仔好靚仔架, 又乖...
到下晝3點, 阿嫲, map, 偉偉, 雅兒姨又黎左....
4點amanda, eddy, 思, 綺玲, 阿珊, 程程, fiona同卓夫又黎埋, 好多人呀! 仲影左好多相添!
多謝各位uncle, untie 0既禮物呀!!! 妹妹會好好善用!!!
訂閱：
文章 (Atom)